«Անելիք Բանկ»  ՓԲԸ–ն  սույն թվականի նոյեմբերի 26-ից միացել է  «Быстрая Почта» դրամական փոխանցումների համակարգին: 
««Быстрая Почта» դրամական փոխանցումների համակարգը, լինելով ԱՊՀ երկրների առաջատար վճարահաշվարկային համակարգերից, Բանկի հաճախորդներին ևս մեկ հնարավորություն կընձեռի առանց հաշվի բացման առավել արագ ստանալ ու փոխանցել իրենց դրամական միջոցներն ԱՊՀ երկրներ: Այս վճարահաշվարկային համակարգը, համոզված եմ, որ իր մրցունակ սակագների շնորհիվ կխթանի Բանկի կողմից նոր հաճախորդների ներգրավմանը և առավել կամրապնդի Բանկի դիրքերը դրամական փոխանցումների շուկայում` համակարգով փոխանցումների միջնորդավճարը, կախված գումարի չափից, կազմում է ընդամենը 0,4-1,4 %: 

Ինչպես «Անելիք»  դրամական փոխադրումների համակարգը և MoneyGram-ը, այնպես էլ «Быстрая Почта»-ն,  լինելով ԱՊՀ երկրների առաջատար դրամական փոխանցումներ իրականացնող համակարգերից, Բանկի հաճախորդներին հնարավորություն կտրամադրի փոխանցել և ստանալ դրամական միջոցներն  ԱՄՆ դոլարով, Եվրոյով և ՌԴ ռուբլով: Հուսով ենք, որ մեր հաճախորդները գոհ կմնան «Быстрая Почта» վճարահաշվարկային համակարգից և ԱՊՀ տարբեր երկրներում բնակվող իրենց  բարեկամներից առավել հաճախ կստանան կամ նրանց կուղարկեն դրամական միջոցներ»,- ասաց «Անելիք Բանկ» ՓԲԸ Ֆինանսական շուկաներում գործառնությունների և թղթակցային հարաբերությունների վարչության պետ Արման Շուշյանը: