 ՎՏԲ-Հայաստան Բանկի Գլխավոր տնօրեն-Տնօրինության նախագահ է նշանակվել Յուրի Գուսևը: Նման որոշում է ընդունել Բանկի Խորհուրդը: Յու. Գուսևը աշխատում է ՎՏԲ խմբում 2008 թվականից: 2009 թվականին նա պաշտոնավարել է ՎՏԲ-Հայաստան Բանկի ֆինանսական տնօրենի պաշտոնը, 2010 թվականից դարձել է Տնօրինության անդամ, իսկ 2012 թվականի փետրվարի 1-ից իրականացրել է Գլխավոր տնօրեն-Տնօրինության նախագահի ժամանակավոր պաշոնակատարի պարտականությունները: «Յուրին ունի մեծ փորձ ֆինանսական բնագավառում: Նա հաջողությամբ է իրականացրել իր առջև դրված բոլոր խնդիրները, ապահովելով արդյունավետ աշխատանք և գործունեության բարձր ցուցանիշներ: Մենք համոզված ենք, որ նրա ղեկավարությամբ հետագայում ևս ՎՏԲ-Հայաստան Բանկն ակտիվորեն կզարգացնի իր բիզնեսը` ապահովելով բարձր ֆինանսական արդյունքներ»,- նշեց ՎՏԲ Բանկի Դուստր ընկերությունների դեպարտամենտի ղեկավար-Ավագ փոխնախագահ Միխայիլ Յակունինը:
| 
