18:34 30 երկրների շարքում ՀՀ ԿԲ-ն 11-րդն է | |
«Փաստինֆոյի»», հղում անելով «Ինդեփենդենթը»-ին, արդեն տեղեկացրել է, որ Վատիկանի բանկի ֆինանսական ստուգումներըը ցույց են տվել, թե այդ դրամատունը չի համապատասխանում փողերի լվացման դեմ ֆինանսական գործողություններմշակող խմբի 45 նորմերին և միայն 22 կետով է բավարարում միջա զգային չափանիշները: Այդ իսկ պատճառով Վատիկանը, որպես պետություն նույնպես չի կարող տեղ զբաղեցնել ֆինանսապես բարեխիղճ երկրների ցուցակում: Իսկ ինչպիսի՞ն է իրավիճակը Հայաստանում և նրա գլխավոր դրամատանը` ՀՀ կենտրոնական բանկում: Համապատասխանու՞մ են արդյոք փողերի լվացման դեմ պայքարի, ֆինանսների վերահսկողություն իրականացնելու կամ կասկածահարույց գործարքների բացահայտման ուղղությամբ ՀՀ ԿԲ-ում իրականացվող գործընթացները եվրոպական չափանիշներին: «Փաստինֆոյի» թղթակցի հարցերին ՀՀ կենտրոնական բանկի հասարակայնության հետ կապերի ծառայությունից պատասխանեցին, որ «Financial Action Task Force-ի» (FATF) 40 հանձնարարականներին և 9 հատուկ հանձնարարականներին Հայաստանի Հանրապետության փողերի լվացման և ահաբեկչության ֆինանսավորման դեմ պայքարի համակարգի համապատասխանությունը գնահատվել է Եվրոպայի Խորհրդի ՄԱՆԻՎԱԼ հանձնախմբի կողմից 2009 թվականին»: Պատասխանում նշված է, որ FATF-ը արձանագրել է Հայաստանի էական առաջընթացը փողերի լվացման և ահաբեկչության ֆինանսավորման դեմ պայքարում: Միաժամանակ ընդգծվում է այդ ոլորտում Հայաստանում ձեռնարկված կանխարգելիչ միջոցառումների արդյունավետության բարձրացումը: ՄԱՆԻՎԱԼ հանձնախմբի կողմից գնահատվող 30 երկրների շարքում, համաձայն ՀՀ ԿԲ հասարակայնության հետ կապերի ծառայության, Հայաստանը զբաղեցրել է 11-րդ տեղը: Միաժամանակ, պատասխանում տեղեկացվում է, որ 2011 թվականի ընթացքում փողերի լվացման և ահաբեկչության ֆինանսավորման դեմ պայքարը համակարգող ազգային մարմնի ՀՀ կենտրոնական բանկի Ֆինանսական դիտարկումների կենտրոնի կողմից ստացված կասկածելի գործարքների մասին հաշվետվությունները, ինչպես նաև կենտրոնի գործունեության վերաբերյալ հրապարակային այլ տեղեկատվությունները ներկայացված է «Հայաստանի Հանրապետությունում փողերի լվացման և ահաբեկչության ֆինանսավորման դեմ պայքարի ոլորտում 2011թ. գործունեության վերաբերյալ տարեկան հաշվետվությունում: | |
|
Մեկնաբանություններ: 0 | |