ԱԺ նախկին պատգամավոր ՀՀԿ-ական Հակոբ Հակոբյանը` Ճոյտը  նոր բիզնես է նախաձեռնել, որը Հայաստանի աննախադեպ է իր տեսակով: Ավելին` բիզնեսը կյանքի կոչելու համար անգամ բանակցություններ է սկսել թուրքական կողմի հետ: NEWS.am-ի այս տեղեկությունը հաստատեց նաեւ Հակոբ Հակոբյանը, սակայն չցանկացավ չակերտները մինչեւ վերջ բացել:

Նա ասաց, որ խոսքը սպասարկման բիզնեսի մասին է եւ բիզնեսը կյանքի կկոչվի 2013թ-ին: Հարին, թե խոսքը ժամանցի կենտրոնների, խաղասրահներ, թե հյուրանոցային համալիրների մասին է, Հակոբյանն ասաց. «Դե դրանցից ունենք, աշխատացնում ենք: Սա ավելի շատ տուրիզմին է վերբերում, որը նոր է իր տեսակով եւ Հայաստանում չկա»,- ասաց Հակոբ Հակոբյանը եւ հավելեց, որ ներկայումս աշխատակիցները վերապատրաստվում են: Իսկ բիզնեսն աշխատացնելու համար պատրաստվում են տեխնիկա ներկրել Հայաստան:

Հարցին, թե միայնակ է նախաձեռնել բիզնեսը, թե ոչ, Հակոբյանն ասաց, որ գործընկերներ ունի, մեկը հայ գործարար է, իսկ մյուսը Արգենտինայից: Ինչպես նաեւ նշեց, որ խոչընդոտների չի հանդիպել, դեռ մի բան էլ մեր իշխանությունները խրախուսում են: