15:35 ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ն առաջինն է ISO/IEC Տեղեկատվական անվտանգության ստանդարտի սետիֆիկատ | |
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ առաջինը ՀՀ բանկային համակարգում ստացել է ISO/IEC 27001 Տեղեկատվական անվտանգության ստանդարտի սետիֆիկատ: Բանկը սերտիֆիկացվել է անգլիական Certification International ընկերության կողմից: Ինչպես NEWS.am-ին տեղեկացրին ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ի մամուլի ծառայությունից, ISO/IEC 27001-ը Տեղեկատվական անվտանգության ստանդարտ է, որը մշակվել է Ստանդարտացման Միջազգային Կազմակերպության(ISO) եւ Միջազգային էլեկտրատեխնիկական հանձնաժողովի կողմից(IEC): Ստանդարտում նկարագրված են տեղեկատվական անվտանգության պահանջները, որոնք անհրաժեշտ են Տեղեկատվական անվտանգության ղեկավարման համակարգի ստեղծման, զարգացման եւ արդի պահելու համար: ISO 27001 ստանդարտն իր պահանջներն է ներկայացնում կազմակերպության Տեղեկատվական անվտանգության ղեկավարման համակարգին` ապացուցելու, որ տվյալ կազմակերպությունը ի վիճակի է պաշտպանել իր տեղեկատվական ակտիվները` այդ թվում հաճախորդների անձնական տվյալները, նրանց ֆինանսական ակտիվներին վերաբերող, օրենքով եւ ներքին քաղաքականությամբ սահմանված գաղտնի տեղեկատվությունն ու տվյալները: «Տեղեկատվության պաշտպանություն» հասկացությունը միջազգային ստանդարտի կողմից նկարագրվում է ինչպես գաղտնիության, ամբողջականության եւ տեղեկատվության հասանելիության ապահովում: Անգլիական Certification International ընկերության կողմից ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ սերտիֆիկացումը վկայում է Բանկի տեղեկատվական անվտանգության ապահով եւ անխափան համակարգի առկայության մասին: | |
|
Մեկնաբանություններ: 0 | |