ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Դեկտեմբեր » 10 » «ԱԿԲԱ-ԿՐԵԴԻՏ ԱԳՐԻԿՈԼ» բանկը «ԱՄՈՒՆԴԻ-ԱԿԲԱ ԱՍԵԹ ՄԵՆԵՋՄԵՆԹ» ՓԲԸ-ի հիմնադիրներից է

---

23:16 «ԱԿԲԱ-ԿՐԵԴԻՏ ԱԳՐԻԿՈԼ» բանկը «ԱՄՈՒՆԴԻ-ԱԿԲԱ ԱՍԵԹ ՄԵՆԵՋՄԵՆԹ» ՓԲԸ-ի հիմնադիրներից է

Կենտրոնական բանկի նախագահի թիվ 1/999Ա և թիվ 1/1048Ա որոշումներով գրանցվել են «ԱՄՈՒՆԴԻ-ԱԿԲԱ ԱՍԵԹ ՄԵՆԵՋՄԵՆԹ» ՓԲԸ և «Ցե-Կվադրատ Ամպեգա Ասեթ Մենեջմենթ Արմենիա» ՍՊԸ ղեկավարները: «ԱՄՈՒՆԴԻ-ԱԿԲԱ ԱՍԵԹ ՄԵՆԵՋՄԵՆԹ» ՓԲԸ-ի խորհրդի անդամի պաշտոններում գրանցվել են Ստեփան Գիշյանը, Կրիստիան Պիեր Նոյել Ռոմեիեն և Օլիվիե Անդրե Մարի Դեսնոսը: Ընկերության գործադիր տնօրենի պաշտոնում գրանցվել է Ֆիլիպ Կլոդ Ռուսոն: «Ցե-Կվադրատ Ամպեգա Ասեթ Մենեջմենթ Արմենիա» ՍՊԸ խորհրդի անդամի պաշտոններում գրանցվել են Էռնստ Լյուդվիգ Դրայսսը, Անդրեաս Վիմմեռը, Մարտին Գրացը: Ընկերության վարչության նախագահի պաշտոնում գրանցվել է Արման Վարդանյանը:   Տեղեկանք   «ԱՄՈՒՆԴԻ-ԱԿԲԱ ԱՍԵԹ ՄԵՆԵՋՄԵՆԹ» ՓԲԸ-ի հիմնադիրներն են ֆրանսիական «AMUNDI ASSET MANAGEMENT» ընկերությունը՝ 51% մասնակցությամբ և «ԱԿԲԱ-ԿՐԵԴԻՏ ԱԳՐԻԿՈԼ» բանկը՝ 49% մասնակցությամբ: Իր հերթին ֆրանսիական «AMUNDI ASSET MANAGEMENT»-ի հիմնադիրներն են Crédit Agricole (75% մասնակցությամբ) և Société Générale (25% մասնակցությամբ): «AMUNDI ASSET MANAGEMENT»-ի կառավարման ներքո գտնվող ակտիվների ծավալը կազմում է շուրջ 1 տրլն ԱՄՆ դոլար: Ընկերությունը ներկայացված է 30 երկրներում: Հաճախորդների թիվը գերազանցում է 100 մլն-ը: Կառավարման ներքո գտնվող ակտիվների ծավալով ընկերությունը 1-ինն է Եվրոպայում և 9-րդն՝ աշխարհում: «Ցե-Կվադրատ Ամպեգա Ասեթ Մենեջմենթ Արմենիա» ՍՊԸ-ի հիմնադիրներն են՝ C-QUADRAT INVESTMENT AG՝ 74.9% մասնակցությամբ և Talanx Asset Management GmbH՝ 25.1% մասնակցությամբ: C-QUADRAT INVESTMENT AG ավստրիական ակտիվների կառավարիչ է, որը 6 մլրդ ԱՄՆ դոլար է կառավարում 17 երկրներում: Talanx Asset Management GmbH-ն ակտիվների մեծությամբ երրորդ ապահովագրական խումբն է Գերմանիայում: Ակտիվները կազմում են շուրջ 180 մլրդ ԱՄՆ դոլար: Խումբը ներկայացված է 150 երկրներում:                                                                                                                                                      Աղբյուրը՝ cba.am

1 2 3 4 5 Դիտումներ: 343 | Ավելացրեց: ArmFin | վարկանիշ: 5.0/1

Մեկնաբանություններ: 0