ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 10 » Անգլիայի բանկի ղեկավարն առաջարկում է չեղյալ համարել LIBOR գործակիցը

---

16:11 Անգլիայի բանկի ղեկավարն առաջարկում է չեղյալ համարել LIBOR գործակիցը

LIBOR միջբանկային գործակիցը, որը որոշում է ամբողջ աշխարհում վարկերի տոկոսները, այժմ դադարել է բնականոն աշխատել: Այս մասին հայտարարել է Անգլիայի բանկի ղեկավար Մերվին Քինգը: Ինչպես հաղորդում է բրիտանական The Daily Telegraph թերթը, նա նշել է, որ 2008 թ. ֆինանսական ճգնաժամի սկզբից LIBOR-ը գործնականում դադարել է օգտագործվել բանկիրների կողմից:  Քինգի խոսքերով՝ այժմ բանկերը միմյանց վարկեր տրամադրելիս առաջնորդվում են կոնկրետ բանկի ռիսկերով, և դրանք զգալիորեն տարբերվում են յուրաքանչյուր ֆինանսական կազմակերպության համար: «Ի՞նչ կարիք կա միլիարդավոր դոլարների և ֆունտի գործարքներին կապել մի բան, որն իրականում գոյություն չունի»,- հայտարարել է նա:  Այս շաբաթ Բրիտանիայի կառավարությունն սկսեց ուսումնասիրել ընդհանուր գործակից սահմանելու գործընթացի հնարավոր փոփոխության հարցը: LIBOR-ի հետ կապված խարդախությունների հարցով հունիսի վերջին բացահատվել էր բրիտանական առաջատար Barclays բանկը: Դրանից հետո հետաքննություն սկսվեց այլ բանկերի նկատմամբ: Սկանդալի ֆոնին հրաժարական տվեց նախ Barclays-ի տնօրենների խորհրդի նախագահ Մարկուս Էյջիուսը, իսկ հետո բանկի գլխավոր տնօրեն Բոբ Դայմոնդը: Վերջինս խարդախություններում մասնակցության մեջ մեղադրում էր Անգլիայի բանկին:  Գործակիցները շահարկելու մեջ ներգրավված բանկերին սպասվում են լուրջ տուգանքներ: Ընդհանուր վնասը կարող է կազմել մինչև 22 մլրդ դոլար: Սկանդալի հետաքննությունը կարող է տևել մի քանի տարի:

1 2 3 4 5 Դիտումներ: 398 | Ավելացրեց: ArmFin | վարկանիշ: 0.0/0

Մեկնաբանություններ: 0