22:17 Ապահովագրական ընկերությունների ակտիվները նվազել են | |
Հայաստանի Հանրապետության տարածքում ապահովագրական գործունեության լիցենզիա ունի 9 ապահովագրական ընկերություն: Այդ մասին նշված է ՀՀ կենտրոնական բանկի երրորդ եռամսյակի բանբերում: Սակայն փաստացի գործում են եւ հաշվետու են 7-ը: Ապահովագրական ընկերությունների ակտիվները 2012 թ. երրորդ եռամսյակի ընթացքում նվազել են 0.9%-ով եւ կազմել 38.8 մլրդ դրամ: Պարտավորությունները նվազել են 2.8%-ով եւ կազմել 25.2 մլրդ դրամ: Ընդհանուր կապիտալն աճել է 2.8%-ով` կազմելով 13.6 մլրդ դրամ: Ապահովագրական ընկերությունների ակտիվների կազմում համեմատաբար մեծ տեսակարար կշիռ են ունեցել ավանդները բանկերում (34.8%), ուղղակի ապահովագրության գծով ստացվելիք գումարները (21.7%), արժեթղթերում ներդրումները (5.5%) եւ վերաապահովագրողների բաժինն ապահովագրական պահուստներում (5.0%): 2012 թ. առաջին ինն ամիսների ընթացքում ապահովագրական ընկերությունների զուտ շահույթը կազմել է 1.1 մլրդ դրամ, շահութաբերությունը (տարեկանացված) ըստ ակտիվների՝ 4.0%, շահութաբերությունը (տարեկանացված) ըստ կապիտալի ` 11.2%: Շահույթով է աշխատել 6 ընկերություն: Ապահովագրական ընկերություններն իրենց գումարների մոտ 60%-ը ստացել են ԱՊՊԱ-ից, մոտ 18%-ը՝ հրդեհից եւ բնական աղետներից ապահովագրությա, եւ 10%-ը՝ առողջության ապահովագրումից: | |
|
Մեկնաբանություններ: 0 | |