14:59 Արմավիրի մարզում կարկուտից տուժածներին օգնության կառավարության ծրագիրը | |
Հայաստանի վարչապետ Տիգրան Սարգսյանն այսօր՝ մայիսի 23-ին, ՀՀ կառավարության նիստում ներկայացրեց Արմավիրի մարզում ուժեղ կարկտահարությունից տուժած գյուղացիներին օգնելու կառավարության քայլերը: Երեկ երեկոյան համայնքների ներկայացուցիչների հետ քննարկումների ժամանակ որոշվել է, տարբերակված մոտեցում կցուցաբերվի խաղողի այգիների, պտղատու այգիների ու բանջարբոստանային ցանքատարածությունների նկատմամբ: Մասնավորապես՝ խաղողի այգիների առումով օժանդակությունը կլինի 3 տարվա, պտղատու այգիների մասով՝ 1-2 տարվա, իսկ բանջարաբոստանային կուլտուրաները արագ կարող են վերականգնել: Ծրագրով նախատեսվում են հետեւյալ քայլերը. 1. Հողի հարկը 22 համայնքներում ամբողջությամբ կհատուցվի, քանի որ այդ համայնքներչում վնասը 100% է; Մնացած 24 համայնքներում, որտեղ կորուստները 20-50% է, կկազմվեն ցուցակներ՝ 100% վնասվածները կփոխհատուցվեն 100%-ով, իսկ 50%-ով վնասվածները՝ կիսով չափ: Սա մոտավորապես 200 մլն դրամ է կազմում: 2. Երկրորդ՝ ազատում ջրի վճարներից, որը կազմում է մոտ 530 մլն դրամ: 100 տոկոս վնաս կրածները 100 տոկոսանոց աջակցություն կստանան, մյուս 24 համայնքներում կկիրառվի նախորդ սկզբունքը: նդ որում՝ ցուցակները ներկայացնելու են համայնքները: 3. Արմավիրի մարզում կկառուցվի երկրորդ հակակարկտային պաշտպանական շերտը՝ մոտ 50 կայաններով: «Հակակարկտային կայանները իհարկե 100 տոկոս չեն երաշխավորում, իսկ նման դեպքերում անհնար է որ լինեն արդյունավետ, սակայն միջին ուժգնությամբ կարկտահարության դեպքերում մոտ 60% արդյունավետություն ունեն»,- ասաց Տ. Սարգսյանը: 50 հակակարկտային կայանների կառուցման համար կծախսվի 350 մլն դրամի չափով գումար, կլուծվի միասնական ռադիոլոկացիոն ցանցով ծածկելու խնդիրը: 4. Առեւտրային բանկերի տոկոսադրույքներին ու պայմանների վերանայման հարցում կցուցաբերվի անհատական մոտեցում, քանի որ վարկերը վերցվել են ատրբեր պայմաններով: «Մենք խոստացել ենք, որ նրանց արտարժութային վարկերը կփոխարկենք դրամայինի, եւ դրա համար ԿԲ-ին կտրամադրենք միջոցներ»,- ասաց Տ. Սարգսյանը: 5. Աշխատանքի եւ սոցիալական հարցերի նախարարությունը սոցիալական օժանդակություն կհատկացնի այն ընտանիքներին, որոնց ֆինանսական վիճակը աղետալի կարկտից հետո կտրուկ վատացել է: 6. Արմավիրի պատգամավորների նախաձեռնությամբ կբացվի հիմնադրամ, ու վարչապետը խոստացավ, որ կառավարության անդամները իրենց եկամուտներից հյատկացումներ կանեն: | |
|
Մեկնաբանություններ: 0 | |