Գլխավոր ԷՋ
Բանկեր
Վարկային կազմակերպ
Մեր հարցը Ձեզ
ՎԻՃԱԿԱԳՐՈՒԹՅՈՒՆ
Օնլայն ընդամենը: 1
Հյուրեր: 1
Մասնակիցներ: 0
ՓՆՏՐԵԼ
Օրացույց
ՄԵՐ ԳՈՐԾԸՆԿԵՐՆԵՐԸ
ՏԵՍԱՆՅՈՒԹԵՐ (VIDEO)
Լրահոսի արխիվ
ԳԼԽԱՎՈՐ » 2013 » Հոկտեմբեր » 18 » «Արմպրոդէքսպո» ցուցահանդեսի բացմանը մասնակցել է ՀՀ Նախագահ Սերժ Սարգսյանը
21:15 «Արմպրոդէքսպո» ցուցահանդեսի բացմանը մասնակցել է ՀՀ Նախագահ Սերժ Սարգսյանը | |
 Այսօր Երևանի մաթեմատիկական մեքենաների գիտահետազոտական ինստիտուտի «Երևան Էքսպո» ցուցահանդեսային համալիրում բացվել է «Արմպրոդէքսպո» ամենամյա մասնագիտացված ցուցահանդեսը: Գյուղատնտեսական տարին ամփոփող գլխավոր ցուցադրությանը ներկա է եղել նաեւ ՀՀ Նախագահ Սերժ Սարգսյանը:Նախագահը շրջել է հանրապետության ագրոպարենային ոլորտը ներկայացնող ցուցահանդեսի տաղավարներով, ծանոթացել իրենց արտադրատեսականին և ծառայությունները ներկայացնող շուրջ 50 հայաստանյան ընկերությունների գործունեությանը, նրանց ներկայացուցիչների հետ զրուցել այդ ընկերությունների ընթացիկ ծրագրերի, խնդիրների և զարգացման հեռանկարների շուրջ: Բացման խոսքով հանդես է եկել ՀՀ գյուղատնտեսության նախարար Սերգո Կարապետյանը: Գյուղատնտեսության նախարարը նշել է, որ արդեն բարի ավանդույթ է դարձել գյուղատնտեսական տարվա ավարտին ժողովրդին մատուցել գյուղոլորտի արդյունքները: Նախարարը մասնավորապես ասել է. «ցուցահանդեսի միջոցով ներկայացվում է այն ամենը, ինչը գյուղացիների ջանքերի և աշխատանքի շնորհիվ պարգևել է հողը: Ցուցահանդեսը գյուղացու, ագրովերամշակող արդյունաբերության ոլորտում ներգրավված աշխատակիցների քրտնաջան աշխատանքի, պետություն- մասնավոր հատված համագործակցության արդյունք է»,- ասել է նախարարը: Եռօրյա «ԱրմՊրոդէքսպո» ցուցահանդեսը ներկայացնում է Հայաստանում արտադրվող պարենային ապրանքների լավագույն նմուշները` ոգելից խմիչքներ, հյութեր, պտուղ-բանջարեղենի պահածոներ, հրուշակեղեն, մսամթերք և կաթնամթերք, չոր մրգեր, սուրճ, ծխախոտ, հայրենական արտադրողների բերքն ու բարիքը, ինչպես նաեւ փաթեթավորման, լաբորատոր և գյուղատնտեսական ծառայություններ մատուցող հայաստանյան ընկերությունների արտադրանքը: Ընդհանուր առմամբ, «Արմպրոդէքսպո»-ին մասնակցում են հինգ տասնյակից ավելի ընկերություններ, իսկ ցուցահանդեսային համալիրի բակում բացօթյա առանձին տաղավարներով «Արմպրոդէքսպո»-ին մասնակցել են հանրապետության բոլոր մարզերն՝ իրենց բերք ու բարիքով: ՀՀ գյուղատնտեսության նախարար Սերգո Կարապետյանն իր խոսքում ընդգծել է, որ այս ցուցահանդեսը հնարավորություն կտա եւս մեկ անգամ գնահատել սեփական արտադրանքի մրցունակությունը եւ կոչված է ընդլայնել արտահանման հնարավորությունները, հաստատել գործարար կապեր: «ԱրմՊրոդէքսպո» ցուցահանդեսի շրջանակում հոկտեմբերի 20 –ին, ժամը 12-ին տեղի կունենա նաեւ <<Ագրոֆորում>>՝ նվիրված գյուղատնտեսի օրվան: | |
|
| |
| Մեկնաբանություններ: 0 | |
