ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Հունիս » 21 » «Այբ»-ի աշակերտները ուսումնական այց կատարեցին Բիբլոս Բանկ

---

18:27 «Այբ»-ի աշակերտները ուսումնական այց կատարեցին Բիբլոս Բանկ

Երեւան/Մեդիամաքս/. Հունիսի 19-ին «Այբ» բարձրագույն դպրոցի աշակերտներն այցելել են «Բիբլոս Բանկ Արմենիա» ընկերության գլխամասային գրասենյակ եւ Ամիրյան մասնաճյուղ՝ անմիջականորեն ծանոթանալու Բանկի ընթացակարգերին եւ ամենօրյա աշխատանքին, ինչպես նաեւ բանկային գործի մասնագիտական նրբություններին:       «Այբ» ավագ դպրոցի աշակերտների կողմից սա ուսումնական փոխայց էր Բիբլոս Բանկին: Ընտրվել էին տնտեսագիտական առարկաներից բարձր առաջադիմություն եւ հաջողություններ ունեցող տասնմեկ աշակերտներ: «Բիբլոս Բանկ Արմենիա»-ի գլխավոր գործադիր տնօրեն Արարատ Ղուկասյանի հետ զրույցից հետո աշակերտներն ուսումնական շրջայցը շարունակեցին Բանկի աշխատակազմի հետ: Ծրագրի ընթացքում աշակերտները ծանոթացան Բանկի սպասարկմանը եւ ծառայությունների փաթեթներին, մարդկային ռեսուրսների համակարգին եւ աշխատանքի ընդունվելու ընթացակագրերին, բանկի մասնաճյուղերի կառուցվածքին, բաժիններին եւ դրանց գործառույթներին: «Այբ» ավագ դպրոցի հատուկ ուսումնական ծրագրերի գծով փոխտնօրեն Վիգեն Շիրվանյանի հավաստմամբ, Բիբլոս Բանկի հետ համագործակցությունը ընդլայնվելու միտում ունի: «Բանկի նախագահի եւ ղեկավար աշխատակազմի հետ երեխաների հանդիպումն ու հենց առաջին ձեռքից տեղեկություն ստանալը նրանց համար շատ կարեւոր է մասնագիտության ընտրության հարցում: Ոմանք կցանկանան փոխել մասնագիտությունը, ոմանք էլ ավելի կտրամադրվեն եւ կհետաքրքրվեն»,- նշել է Վիգեն Շիրվանյանը: «Բիբլոս Բանկը Հայաստանում օժանդակում է կրթության զարգացմանը թե ֆինանսական եւ մարդկային ռեսուրսների տրամադրման, թե գիտելիքի փոխանցման միջոցով: Հուսով ենք, որ «Այբ» ավագ դպրոցի հետ իրագործված այս նախաձեռնությունը հնարավորություն տվեց երիտասարդներին մասնագիտության ընտրության հարցում առավել իրազեկված լինել եւ ճիշտ կողմնորոշվել», - նշել է Արարատ Ղուկասյանը:

1 2 3 4 5 Դիտումներ: 470 | Ավելացրեց: ArmFin | վարկանիշ: 0.0/0

Մեկնաբանություններ: 0