ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Սեպտեմբեր » 23 » Բանկի աշխատակիցը Peugeot հայտնվել է Պոլիտեխնիկ ինստիտուտի մոտակա ձորակում

---

21:30 Բանկի աշխատակիցը Peugeot հայտնվել է Պոլիտեխնիկ ինստիտուտի մոտակա ձորակում

Այսօր՝ սեպտեմբերի 23-ին, ավտովթար է տեղի  ունեցել Երևանում: Ժամը 14:30-ի  սահմաններում Peugeot մակնիշի 075 ՕՕ 63  համարանիշի ավտոմեքենայի վարորդ Սարի  Թաղի բնակիչ 36-ամյա Արտեմ Սահակյանը  նշված ավտոմեքենայով Սարալանջի  ճանապարհին դուրս է եկել երթևեկելի գոտուց,  բախվել բետոնե հենասյանը և մոտ 3 մետր իջել  դեպի ձորակը:  Ինչպես վթարի վայրից հայտնում է ֆոտոլրագրող Գագիկ Շամշյանը, բարեբախտաբար վթարի հետևանքով զոհեր և վիրավորներ չկան և եթե նշված հատվածում չլիներ գազի խողովակը, ապա հնարավոր էր վարորդը գահավիժեր դեպի Պոլիտեխնիկ ինստիտուտի բակ և վթարը ողբերգական ավարտ ունենար:   Վթարի վայր են ժամանել Երևանի ճանապարհային ոստիկանության աշխատակիցներն ու ՀՀ Արտակարգ իրավիճակների նախարարության փրկարար ծառայության հրշեջները՝ 1 մարտական հաշվարկով, ինչպես նաև` «Հայռուսգազարտ» և ապահովագրական ընկերությունների ներկայացուցիչները:   Վթարի վայր է ժամանել նաև ՃՈ հետաքննիչը, ում կողմից փաստի առթիվ նյութեր են նախապատրաստվում: Ֆոտոլրագրողը հայտնում է, որ ըստ տեղեկությունների նշված ավտոմեքենան հաշվառված է «Հայէկոնոմբանկ»-ի հաշվեկշռում:  Լուսանկարները և տեսանյութը՝ Գագիկ Շամշյանի

1 2 3 4 5 Դիտումներ: 343 | Ավելացրեց: ArmFin | վարկանիշ: 5.0/1

Մեկնաբանություններ: 0