14:41 Բելառուսական ձեռնարկությունները որոշակի առաջընթացի են հասել Հայաստանում | |
Բելառուսական «Բելեսբումպրոմ» կոնցեռնը պատրաստվում է ընդլայնել իր ներկայությունը Կովկասում: Այս մասին «Կահույք-2013» ցուցահանդեսի ժամանակ, ԲԵԼՏԱ գործակալության թղթակցին հայտնել է կոնցեռնի փոխնախագահ Սերգեյ Իվանովը: «Մենք մտադիր ենք ակտիվացնել մեր գործունեությունը Վրաստանի, Ադրբեջանի ու Հայաստանի շուկաներում»,-ասել է Իվանովն՝ անդրադառնալով շուկաների հեռանկարներին, որոնք դեռեւս պետք է ուսումնասիրվեն բելառուս կահույքագործների կողմից: Նա նշել է, որ բելառուսական կահույքագործական ֆաբրիկաները փաստացի ներկա չեն Ադրբեջանում: «Դա կարող է կապված լինել ներկրման մաքսատուրքերի հետ»,-ասել է Սերգեյ Իվանովը: Նրա խոսքով, այդ երկրում պոտենցիալ գործընկերները առավելապես կենտրոնացած են դեպի թուրքական շուկան, որոնց հետ ունեն շատ սերտ կապեր: «Բելառուսական ընկերությունները որոշակի առաջընթացի են հասել Հայաստանում: Մենք նաեւ պետք է փորձենք մտնել Թուրքմենստանի շուկա»,-ասել է «Բելեսբումպրոմ»-ի փոխնախագահը: Անդրադառնալով արտահնման ընդհանուր ծրագրերին, նա հայտնել է, որ երբ բոլոր ներդրումային նախագծերը փայտամշակման արդյունաբերությունում իրականացվեն 2015-2016 թվականներին, արտահանումը կաճի 55-60 տոկոսով: Դրան հնարովր կլինի հասնել հզորությունների մեծացմամբ եւ արտադրության ֆիզիկական ծավալների ավելացմամբ: Ներկայումս ձեռնարկության արտադրանքի շուրջ 50 տոկոսն իրացվում է արտերկրում: | |
|
Մեկնաբանություններ: 0 | |