Նրա խոսքով` խմբակացությունն առաջարկել է ավելացնել գիտական թեմաների քանակը եւ գիտաշխատողների աշխատավարձը:
ԲՀԿ-ից մեկ այլ պատգամավոր, տնտեսագետ Միքայել Մելքումյանը նշեց, որ գիտության ֆինանսավորումը առաջարկվում է ավելացնել մինչեւ ՀՆԱ-ի 1,25 տոկոսը, իսկ գիտնականների աշխատավարձը  պետք է հավասարեցվի երկրում միջին աշխատվարձին: Նշենք, որ Հայաստանում միջին աշխատավարձը մոտավորապես  120 000 դրամ է,  այն դեպքում, երբ գիտաշխատողների աշխատավարձերը տատանվում են նվազագույն աշխատավարձից (32500 դրամ) մինչեւ 50 000-60 000 հազ. դրամի շրջանակում:

Անդրադառնալով հարցին, թե  որտեղից է հնարավոր միջոցներ գտնել գիտության ֆինանսավորման ծավալն ավելացնելու համար, Մելքումյանը նշեց, որ կան շատ կոնկրետ աղբյուրներ. օրինակ, լեռնահանքային արդյունբերությունում ռոյալթիների ավելացման միջոցով կամ վնասակար թափոնների համար վճարներ սահմանելով. «Կամ, օրինակ, ստվերային տնտեսությունը կազմում է 35%: Ստվերի` անգամ մի քանի տոկոսով կրճատումը  բավականաչափ միջոցներ կազատի գիտության համար»,-նկատեց նա:

Միաժամանակ Մելքումյանը դեմ արտահայտվեց «Պահանջում ենք գիտության ֆինսավորման ավելացում» նախաձեռնող խմբի կոնկրետ առաջարկին, ըստ որի գումարներ հնարավոր է վերցնել քաղաքապետարանի համար սուբվենցիայից: «Ես դեմ եմ այդ առաջարկին, սուբվենցիան նախատեսված է կոնկրետ նպատակների համար»,-նկատեց նա: