ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 18 » Բժշկական ապահովագրությունը դեռևս շահավետ բիզնես չէ

---

14:22 Բժշկական ապահովագրությունը դեռևս շահավետ բիզնես չէ

Սոցիալական փաթեթներն ու բժշկական ապահովագրությունները Հայաստանի բանկերի համար հավելյալ բիզնեսների չեն վերածվելու: Քանի դեռ ոլորտը չի զարգացել և ամրապնդվել, մեծ դրամական շահույթներ չեն ստացվի: Այսօր այս մասին խոսեց «Նաիրի Ինշուրանս» ապահովվագրական ընկերության անձնական պահանջների կարգավորման վարչության պետ Արմեն Շահինյանը: «Այս պահի դրությամբ, տարվա կեսի կտրվածքով կարող ենք ասել, որ ներդրված գումարների 40 տոկոսը վերադարձվել է, բայց մինչև տարվա ավարտը դեռ բավականին ժամանակ կա», - նշեց Ա. Շահինյանը` մանրամասնելով, որ ոլորտը դեռ աճում է և զարգանում, և վերջնական պատկերացում կազմելը դեռ շուտ է: Լրագրողների այն հարցին, թե տվյալ պահին առողջական ապահովագրության և սոցիալական փաթեթների գործը համարվո՞ւմ է շահավետ ու հեռանկարային բիզնես և եթե շահութաբեր չէ, ե՞րբ կդառնա շահավետ, Արմեն Շահինյանը պատախանեց. «Առաջին երեք տարում դա բացառված է»: «Այս պահի դրությամբ մեծ տոկոս են կազմում այն պլանային դեպքերը, որոնք կուտակվել են տարիների ընթացքում», - վստահեցրեց բանախոսը` կարծիք հայտնելով, որ իրավիճակը շտկելու համար որոշակի ժամանակ է պետք, որի ընթացքում դեռ շահույթներ ստանալու մասին խոսելն ավելորդ է:

1 2 3 4 5 Դիտումներ: 326 | Ավելացրեց: ArmFin | վարկանիշ: 0.0/0

Մեկնաբանություններ: 0