Bloomberg-ը ներկայացրել է աշխարհի 200 ամենահարուստ մարդկանց ցանկը, որը գլխավորել է մեքսիկացի գործարար Կարլոս Սլիմը, ում հարստությունը գնահատվում է 77,5 մլրդ դոլար:

Երկրորդ տեղում Microsoft-ի հիմնադիր Բիլ Գեյթսն է (64,4 մլրդ դոլար), իսկ առաջին եռյակը եզրափակում է իսպանական Inditex խմբի ղեկավար Ամանսիո Օրտեգան (53,6 մլրդ դոլար): Առաջին 5-յակում են ներդրող Ուորեն Բաֆեթը եւ IKEA-ի հիմնադիր Ինգվար Կամպրադը:

Ուկրաինացի գործարար Ռինադ Ահմեդովը 18,9 մլրդ կարողությամբ զբաղեցրել է վարկանիշի 38-րդ հորիզոնականը եւ առաջ անցել ամենահարուստ ռուսաստանցի Ալիշեր Ուսմանովին, ով հայտնվել է 40-րդ հորիզոնականում (18 մլրդ դոլարով):

Գործարարների կարողությունը հաշվարկվել է հոկտեմբերի 5-ի դրությամբ: Դա բացատրում է փաստը, որ Վիկտոր Վեքսելբերգը հայտնվել է ընդամենը 43-րդ տեղում՝ 16,8 մլրդ դոլարով:

Ավելի վաղ Bloomberg-ը հայտնել էր, որ «Ռենովա»-ի սեփականատերը առաջ կանցնի Ուսմանովից՝ «Ռոսնեվտ»-ում իր մասնաբաժինը վաճառելուց հետո: Երբ այդ գործարքն ավարտվի, ըստ ամերիկյան գործակալության, Վեկսելբերգի կարողությունը կաճի մինչեւ 18 մլրդ դոլարի: