21:56 Դոլարն անցավ 407-ը | |
«ՆԱՍԴԱՔՕԷՄԷՔՍ Արմենիա» բորսայում այսօր՝ հոկտեմբերի 9-ին ամերիկյան դոլարի միջին փոխարժեքը հայկական դրամի նկատմամբ կազմել է 407,25 դրամ: Երեկվա համեմատ դոլարը թանկացել է 0,25%-ով կամ մոտ 1 դրամով: Բորսայում այսօր վաճառվել է 200 հազ. դոլար: Կանխիկ արտարժույթի շուկայում դոլարը թանկացել է մոտ կես դրամով: Առքի փոխարժեքը բարձրացել է մինչեւ 406,5 դրամ, վաճառքինը՝ 408-409 դրամ: Forex միջազգային շուկայում դոլարն այսօր ամրապնդվել է այլ արժույթների նկատմամբ: Դրան նպաստել է ԱՄՆ նախագահ Բարակ Oբամայի այն հայտարարությունը, որ Ֆեդերալ ռեզերվային համակարգի ղեկավարի պաշտոնում կառաջարկի Ջենեթ Յելենի թեկնածությունը, ով ներկայում այդ կառույցի փոխնախագահն է: Ենթադրվում է, որ նրա ղեկավարությամբ ԱՄՆ կենտրոնական բանկն ավելի ճկուն քաղաքականություն կվարի: Եվրոն այսօր իջել է մինչեւ 1.3529 դոլար: Ռուսաստանի կենտրոնական բանկը դոլարի փոխարժեքը ռուբլու նկատմամբ սահմանել է 32,3619 ռուբլի: Դոլարn ամրապնդվել է ռուբլու նկատմամբ: | |
|
Մեկնաբանություններ: 0 | |