Շուկայում շարունակվում է դոլարի փոխարժեքի վերելքը: «ՆԱՍԴԱՔՕԷՄԷՔՍ Արմենիա» բորսայում այսօր` հունիսի 20-ին, դոլարի միջին փոխարժեքը կազմել է 417.61 դոլար:

Այս տարի դոլարի միջին փոխարժեքը բորսայում առաջին անգամ է գերազանցում 417 դրամի մակարդակը: Բորսայում դոլարը ավելի թանկ վերջին անգամ գնահատվել է 2006 թ. հուլիսի 21-ին, երբ փոխարժեքը 1դոլար/418 դրամ էր:

Ընդհանուր առմամբ` բորսայում այսօր վաճառվել է 1.27 մլն դոլար։

Կանխիկ արտարժույթի շուկայում դոլարն առայժմ թանկացել է 0.5-1 դրամով, սակայն չի բացառվում, որ երեկոյան կողմ ևս շարունակի թանկանալ։ Փոխանակման կետերը դոլարի առքի փոխարժեքը բարձրացրել են մինչև 416.5 դրամ, վաճառքի նվազագույն փոխարժեքը 419 դրամն է: