Փետրվարի 11-ին ՀՀ էկոնոմիկայի նախարարությունում նախարար Վահրամ Ավանեսյանն ընդունել է «Լույս» հիմնադրամի կրթական ծրագրի գործադիր տնօրեն Ժաքլին Կարաասլանյանին: Հանդիպմանը ներկա էին ՀՀ էկոնոմիկայի նախարարի տեղակալ Սերգեյ Ավետիսյանը, աշխատակազմի ղեկավար Էմիլ Տարասյանը և «Լույս»

 հիմնադրամի գործառնությունների ղեկավար Գայանե

 Ղումաշյանը:

Ժաքլին Կարաասլանյանը նախարարին համառոտ

 ծանոթացրել է «Լույս» հիմնադրամի գործունեությանը`

 ներկայացնելով ընթացիկ աշխատանքը, ուսանողների կողմից իրականացրած և արդեն իսկ

 հաջողված ծրագրերը, այդ թվում և Հայաստանի մարզերում, առավել հետաքրքիր

 նախաձեռնություններն ու նախագծերը: Նա նշել է, որ հիմնադրամը հինգ տարեկան է և հասցրել է բարի համբավ ձեռք բերել Հայաստանում և նրա սահմաններից դուրս իր ուսանողների հաղթանակների, ստեղծագործ գաղափարների շնորհիվ: 

Հիմնադրամի տնօրենը տեղեկացրել է, որ «Լույս»-ի կրթաթոշակներ ստացած և աշխարհի լավագույն բուհերում ուսում ստացած ուսանողների 30%-ը որպես կանոն շարունակում է ուսումը ասպիրանտուրայում, 10%-ն աշխատում է աշխարհի խոշոր ընկերությունների համար, իսկ 60%-ը ուսումն ավարտելուց հետո վերադառնում է Հայաստան` գիտելիքներն այստեղ ներդնելու ցանկությամբ:

Տիկին Կարաասլանյանը ներկայացրել է «Լույս» հիմնադրամի «Լիվինգ արտ. զարգացող տնտեսություն» նախագիծը, որը նախատեսվում է իրականացնել Գյումրիում, և առաջարկել է նախարարին Էկոնոմիկայի նախարարության հետ միասին ձեռնամուխ լինել ծրագրի իրագործմանը: 

Վարհրամ Ավանեսյանը ողջունել է համագործակցության վերաբերյալ տիկին  Կարաասլանյանի առաջարկը` նշելով, որ նախարարությունը պատրաստ է ուսումնասիրել և քննարկել բորոր հետաքրքիր գործնական առաջարկությունները գործարար ծրագրերի տեսքով: Նախարարը միևնույն ժամանակ ընդգծել է, որ «Լույս» հիմնադրամի հետ համագործակցությունն անհրաժեշտ է ընդլայնել` օգտագործելով հիմնադրամի ներուժը նախարարության իրավասության տարբեր ճյուղերում և Հայաստանի տնտեսության բազմաթիվ ոլորտներում: