ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Նոյեմբեր » 22 » Երևանում գումարվել է «Հայաստանի Հանրապետության ֆինանսական համակարգը, ստեղծումը, կայացումը և մարտահրավերները» թեմայով կլոր սեղան

---

21:00 Երևանում գումարվել է «Հայաստանի Հանրապետության ֆինանսական համակարգը, ստեղծումը, կայացումը և մարտահրավերները» թեմայով կլոր սեղան

Դրամի 20-ամյակին նվիրված միջոցառումների շրջանակում Երևանում կայացել է «Հայաստանի Հանրապետության ֆինանսական համակարգը, ստեղծումը, կայացումը և մարտահրավերները» թեմայով կլոր սեղան:   Ողջունելով մասնակիցներին, ԿԲ նախագահ Արթուր  Ջավադյանը շնորհավորել է հայկական արժույթի  թողարկման 20-ամյա հոբելյանական տարեդարձի և  բանկային աշխատողի օրվա կապակցությամբ: Արթուր Ջավադյանը նշել է, որ կայացման ճանապարհին ազգային արժույթը և բանկային  համակարգը բազում փորձություններ են հաղթահարել:   «Այսօր մենք հպարտությամբ ենք նայում  ազգային արժույթի և ֆինանսական համակարգի կերտած դժվար, բայց բովանդակությամբ հարուստ ուղուն», ասել է նա:   Կլոր սեղան քննարկումներին մասնակցել են Հայաստանում ՎԶԵԲ-ի, ԱՄՀ-ի, գերմանական KfW բանկի ներկայացուցիչները, Միջպետբանկի նախագահ Իգոր Սուվորովը, Եվրասիական տնտեսական հանձնաժողովի ֆինանսական քաղաքականության ստորաբաժանման տնօրեն Բեմբյա Խուլխաչիևը, Լիբանանի բանկի նախագահի տեղակալ Հարություն Սամուելյանը, ՀԲՄ նախագահը, ՀՀ-ում գործող բանկերի ղեկավարները, այլ ֆինանսական կազմակերպությունների ներկայացուցիչներ:   Համաժողովի ընթացքում քննարկվել են ՀՀ դրամավարկային քաղաքականության, գնաճի նպատակադրման, ֆինանսական համակարգի զարգացման հեռանկարների և մարտահրավերների, բանկային համակարգի հեռանկարների վերաբերյալ հարցեր: Լիբանանի բանկի նախագահի տեղակալ Հարություն Սամուելյանը ներկայացրել է «Լիբանանի բանկային համակարգը և նրա ներդրումը տնտեսության մեջ» զեկույցը:

1 2 3 4 5 Դիտումներ: 376 | Ավելացրեց: ArmFin | վարկանիշ: 5.0/1

Մեկնաբանություններ: 0