Նրանց համար ովքեր ուզում են զբաղվել բիզնեսով, կամ արդեն իսկ զբաղվում են շուրջ 3 տարի «Հայաստանի ՓՄՁ ԶԱԿ» հիմնադրամը Երևանում մեկնարկում է «Աջակցություն սկսնակ գործարարներին ծրագիրը»: 

Ծրագիրը ներառում է ուսուցողական, տեղեկատվական, մասնագիտական խորհրդատվության եւ ֆինանսական աջակցության տրամադրման բաղադրիչներ, հայտնել են հիմնադրամում: 

Մասնակցելով  ծրագրին` սկսնակ  գործարարները կստանան բիզնեսի  պլանավորման, շուկայավարման, կառավարման, արտադրության եւ ֆինանսների պլանավորման գիտելիքներ եւ համապատասխան գործարար հմտություններ: 

Ծրագրի տեւողությունը մեկ ամիս է, որի ընթացքում փորձառու մասնագետների ուղղորդմամբ սկսնակ գործարարները նախ մշակում են իրենց անհատական գործարար ծրագիրը, որից հետո ձեռնամուխ են լինում դրա իրականացմանը: 

Ծրագրի  շրջանակներում մասնակիցները հնարավորություն կունենան օգտվելու ՓՄՁ  ԶԱԿ-ի ֆինանսական աջակցության գործիքներից նույնպես:  

Լավագույն  գնահատականի արժանացած կենսունակ գործարար ծրագրերը  սկսնակի ցանկությամբ կարող են ներկայացվել վարկավորման Հայաստանի  ՓՄՁ  ԶԱԿ-ի գործընկեր բանկերի միջոցով հետեւյալ պայմաններով` 

•  առավելագույնը 5 մլն դրամ;
•  տարեկան տոկոսադրույքը` 10 %; 
•  առավելագույնը 5 տարի մարման ժամկետով;
•  Հայաստանի ՓՄՁ ԶԱԿ-ի կողմից տրամադրվող երաշխավորություն (100%): 

Ծրագրի մանրամասները ներկայացված են այստեղ: