Եվրասիական տնտեսական հանձնաժողովի ինտեգրման և մակրոտնտեսության հիմնական ուղղությունների կոլեգիայի անդամ (նախարար) Տատյանա Վալովայան Հայաստանից մեկնած լրագրողներին հայտնել է, որ Հայաստանի և Մաքսային միության միջև տնտեսական հարաբերությունները բավական դինամիկ են զարգանում:Նրա խոսքով՝ Եվրասիական տնտեսական ընկերակցությունը Եվրասիական տնտեսական միության փոխակերպելը շոշափում է դիտորդ պետությունների, այդ թվում՝ Հայաստանի շահերը:

Վալովայան նաև նշել է, որ Հայաստանի կառավարությունը և Եվրասիական տնտեսական հանձնաժողովը արդեն սկսել են փոխգործակցել: Սակայն հարկ է հիշել, որ Եվրասիական տնտեսական ինտեգրմանը զուգահեռ ԱՊՀ շրջանակում կա Ազատ առևտրի գոտի, և Ռուսաստանը, Ղազախստանը, Բելառուսը եւ Հայաստանն այդ գոտու լիիրավ մասնակիցներն են, որը փոխգործակցության շատ եզրեր է նախատեսում:  Հայաստանը, ինչպես և ԱՊՀ այլ երկրները, հնարավորություն ունի կամավոր հիմունքով օգտագործելու Մաքսային միության տեխնիկական կանոնադրությունը:

Հայաստանի և Մաքսային միության միջև 2012թ. ընթացքում առևտրատնտեսական հարաբերությունները շատ լավ են զարգացել և այժմ էլ զարգանում են,- ավելացրել է Տատյանա Վալովայան:«Շատ լավ զարգանում է արտահանումը՝ 43%-ով, այնինչ տարին շատ դժվար էր համաշխարհային տնտեսության համար, եւ Մաքսային միության արտաքին առեւտուրն աճել էր 3,5%-ով, իսկ Հայաստանի հետ մեր առեւտուրը՝ 22%-ով»:

Նա նաև ասել է, որ Հայաստանից Ռուսաստան արտահանման հիմնական  մասնաբաժինը կազմում են ավանդական ապրանքները՝ գյուղատնտեսական արտադրանք և սննդամթերք:

                                                                       Աղբյուրը` gazeta.am