ՀՀ ֆինանսների նախարարության հրապարակած հաշվետվությունում նշված է, որ «Ջրից դեպի շուկա» ծրագրի համար Հազարամյակի մարտահրավերները հատկացրել է 32 մլն դոլար: Այդ շրջանակներում 18,5 մլն դոլարով պայմանագիր է կնքվել հայ-հոլանդական մի կոնսորցիումի հետ, որի անդամներն են՝ «Արկադիս Եվրոկոնսալտը» (Հոլանդիա) եւ «Վիստա Պլյուս» (Հայաստան) ընկերությունները: Կոնսորցիումը ղեկավարել է ամերիկյան «ԷյՍիԴիԱյ» ընկերությունը:

Այս կոնսորցիումն էլ իրականացրել է Ջրօգտագործողների մությունների անդամ հանդիսացող 81,7 հազ. ֆերմերների վերապատրաստման դասընթացներ՝ 6,6 մլն դոլար արժողությամբ: Պատասխանատուն հանդիսացել է հայկական «Վիստա Պլյուս» ընկերությունը:

Ամեն մասնակցի մեկ օրվա դասընթացի արժեքը կազմել է մոտ 6 650 ՀՀ դրամ, որը ներառում էր հետեւյալ ծախսերը. վերապատրաստողի վարձատրություն, դասընթացի կազմակերպում, տպագրական նյութեր, լսարանի նախապատրաստում, տեխնիկական ապահովում, սննդի եւ օրական 2 անգամ սուրճի ընդմիջման ապահովում, տրանսպորտային ծախսեր եւ այլն: Ընդհանուր առմամբ  ծրագրում ներգրավված են եղել 27 վերապատրաստող, 15 համակարգող, եւ 20-ից ավելի օժանդակ կազմ: