19:54 Ֆինանսների փոխնախարարը հուսադրում է՝ կապիկ չենք դառնա.«Հայկական ժամանակ» | |
2013 թվականի ՀՀ բյուջեն չափազանց հետաքրքիր է այն առումով, որ դրանով նախատեսվում է 6.2 տոկոս տնտեսական աճ, բայց միաժամանակ չի նախատեսում բյուջետային աշխատողների աշխատավարձի ավելացում: Այդ մասին գրում է «Հայկական ժամանակ» թերթը։ «Սա տրամաբանական կազուս է: Էլ ի՞նչ իմաստ ունի այդ 6.2 աճը, որը չի հանգեցնելու գոնե բյուջետային աշխատողների բարեկեցության գոնե կեստոկոսանոց աճին: ՀՀ ֆինանսների փոխնախարար Պավել Սաֆարյանն ունի այս հարցի թվաբանական պատասխանը: Տնտեսական աճի պայմաններում աշխատավարձ չբարձրացնելը պայմանավորված է նրանով, որ 2013-ին կառավարությունը պետք է այլ անհետաձգելի ծախսեր անի: Խոսքն արտաքին պարտքի սպասարկման եւ պաշտպանությանն ուղղված ծախսերի մասին է: Այդ երկուսը միասին ՀՀ պետբյուջեից հաջորդ տարի «տանելու են» մոտ 900 մլն դոլար, իսկ ողջ պետբյուջեն չի հասնում նույնիսկ 3 մլրդ դոլարի: Բայց խնդիրն այն է, որ բյուջետային աշխատողների աշխատավարձը չբարձրանալուն զուգահեռ` նաեւ նվազելու է նրանց գնողունակությունը: Ինչպես վերջին տարիներին, հաջորդ տարի նույնպես` կառավարությունը նախատեսում է 2.5-6.5 տոկոս գնաճ: Սա նշանակում է, որ նախատեսված գնաճի նույնիսկ նվազագույն ցուցանիշի դեպքում` նրանց կյանքը կվատանա 2.5 տոկոսով: Այդպես չէ՞, պարոն Սաֆարյան` դիմեցինք ֆինանսների փոխնախարարին, որը բավական սուր հումոր ունի եւ սովորաբար, դժվար հարցերին պատասխանելիս, դիմում է դրա օգնությանը: - Դե, ինչ է նշանակում` կաղքատանան: Դա նույնիսկ լավ է` եթե մարդիկ մի փոքր ավելի քիչ միս գնեն ու փոխարենը` ավելի շատ բանջարեղեն ուտեն, դա լավ կանդրադառնա նրանց առողջության վրա: - Բայց գիտնականները պարզել են, որ կապիկը մարդ դարձավ այն ժամանակ, երբ սկսեց ավելի շատ միս ուտել, դրանով ավելի շատ ածխաջրածիններ մատակարարվեցին ուղեղին, եւ կապիկի ուղեղը դարձավ մարդու ուղեղ: | |
|
Մեկնաբանություններ: 0 | |