16:30 Forbes-ը կազմել է վերջին տասնամյակների ֆինանսական խոշոր խաբեությունների տասնյակի ցուցակը | |
Forbes ամսագիրը ընտրել է 10 ամենսկանդալային այն պատմությունները , որոնք վերաբերում են ֆինանսական խարդախություններին ու աֆերաներին, որոնք վերջին երկու տասնամյակում հետաքննվել են ողջ աշխարհում: Ամենանշանավոր եւ խոշոր ֆինանսկան բուրգը դարձել է 1960–ականներին ստեղծված Madoff Investment Securities ընկերությունը: Ընկերությունը խորտակվել է 2008 թ-ի ֆինանսկան ճգնաժամի ժամանակ: Արդյունքում տուժել են մի քանի մլն մասնավոր եւ խոշոր ֆինանսական ձեռնարկություններ, իսկ ներդրողներից մեկը ինքնասպան է եղել բուրգի սնանկացման մասին լուրի տարածումից հետո: Մի քանի տասնամյակ գոյատեւած էներգետիկ Enron ընկերության սնանկացումը ամերիկյան տնտեսության համար պակաս անսպասելի չէր: Ընկերության ակտիվների 47,3 մլրդ. դոլարի արժողության պայմաններում` նրա ղեկավարների գործունեության արդյունքում ընկերությունը կորցրել է 40 մլրդ դոլար: Բազմամիլիոնանոց վնաս է կրել եւ վերացել ԱՄՆ-ի հեռահաղորդակցային WorldCom ընկերությունը, գրում է NEWSru.com-ը: Stanford Financial Group-ի հիմնադիր Ռոբերտ Ստենֆորդը ձերբակալվել է 2009 թ-ին` նրա ընկերության 21 ներդրողների հայցերի հիման վրա, որը ստուգումերից պարզվել է, որ ֆինանսական հսկայական բուրգ է: Երեք տարի չթույլատրված առեւտրի արդյունքում Societe Generale բանկի թրեյդեր Ժերոմ Կերվելը հասցրել է իր գործատուին նշանակալից վնասներ հասցնել: Եվս մեկ ֆինանսական խոշոր բուրգ է հայտնվել ցուցակում։ 2000 թ-ին ստեղծված L&G ընկերությունը գոյատեւել է 7 տարի, սակայն այս ընթացքում հասցրել է խոստացված 36 տոկոս շահույթի ներքո աշխատել 128,5 մլրդ իեն: Շվեյցարական UBS բանկի թրեյդերի` Քվեք Ադոբոլի նկատմամբ 2011 թ-ի սեպտեմբերին խաբեբայության մեղադրանք է առաջադրվել բրիտնական ոստիկանությունում: Ադոբոլին մեղադրվել է պաշտոնի չարաշահման եւ գործարքների հաշվետվությունները կեղծելու մեջ: Դենիս Կոզլովսկու եւ նրա օգնականի` Մարկ Շվարցի ղեկավարությամբ Բերմուդյան կղզիներում գրանցվել է Tyco Industrial ընկերությունը, որը չեմպիոն է դարձել գործաքների թվով. մոտ 1000 ընկերություններ մտել են միջազգային կոնգլոմերատի մեջ: Արդյունքում պարզվել է, որ Կոզլովսկին մոտ 600 մլն. դոլար ծախսել է իր վրա: Ցուցակը փակում է Նիկ Լիսոնը: 1995 թ-ին անգլիական Barings բանկի սինգապուրյան մասնաճյուղի գլխավոր թրեյդերն իր բանկը սնանկացման է հասցրել: | |
|
Մեկնաբանություններ: 0 | |