ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 9 » Գագիկ Բեգլարյանն ընդունել է Եվրոպական Ներդրումային Բանկի պատվիրակությանը` Հեինց Օլբերսի գլխավորությամբ

---

00:35 Գագիկ Բեգլարյանն ընդունել է Եվրոպական Ներդրումային Բանկի պատվիրակությանը` Հեինց Օլբերսի գլխավորությամբ

Նախարարը շնորհակալություն է հայտնել ԵՆԲ-ին համագործակցության համար, սակայն կարեւորել է ծրագրերի իրականացման մեջ նախապատրաստական աշխատանքների արագացումը:  Վանաձորից դեպի Բագրատաշեն տանող մայրուղու` շուրջ 92 կմ երկարությամբ, վերականգնման ու բարելավման ծրագրի համար ԵՆԲ-ը պատրաստակամություն էր հայտնել տրամադրել 50 մլն ԱՄՆ դոլար: Հանդիպմանը ներկա Հայաստանում ԵՆԲ-ի գործառնությունների համար պատասխանատու վարկային աշխատակից Ջորջիա Կուտսիանան նշել է, որ կատարվող տեխնիկական ուսումնասիրության արդյունքները ցույց կտան, թե որքան գումար կպահանջվի այդ ճանապարհների վերականգնման համար: Հանդիպման ընթացքում քննարկվել են տեխնիկական ուսումնասիրությունների եւ նախագծերի իրականացման ժամանակացույցին առնչվող հարցեր: Հեինց Օլբերսն ընդունել է նախարարի առաջարկությունը` Հայաստանի հետ կապված ծրագրերն արագ իրականացնելու ուղղությամբ: Բանկը համաձայնություն է հայտնել քննարկել Հյուսիս-հարավ ճանապարհային միջանցքի 3-րդ տրանշին ֆինանսական միջոցներ տրամադրելու հարցը:  Վարկավորման բաժնի պետ Ֆիլիպ Շիմչակն ասել է, որ ԵՆԲ-ը հնարավորություն եւ ցանկություն ունի ավելի մեծ գումարներ հատկացնելու Հայաստանին ուղղված ծրագրերին:  Գագիկ Բեգլարյանն իր պատրաստակամությունն է հայտնել համագործակցելու Երրորդ Տրանշի, ինչպես նաև Եվրոպական Ներդրումային Բանկի ներկայացրած ծրագրերն իրականացնելու ուղղությամբ:

1 2 3 4 5 Դիտումներ: 329 | Ավելացրեց: ArmFin | վարկանիշ: 0.0/0

Մեկնաբանություններ: 0