ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 16 » Գերմանիան կրկին կասկածում է Facebook-ին տվյալների գաղտնիության պահպանման հարցում

---

15:40 Գերմանիան կրկին կասկածում է Facebook-ին տվյալների գաղտնիության պահպանման հարցում

Գերմանիայի իշխանությունները վերսկսել են Facebook խոշորագույն սոցցանցի դեմ հետաքննությունը: Վերջինիս մեղադրում են առանց օգտատերերի համաձայնությա ն ճանաչողական տեխնոլոգիաների աշխատանքի համար լուսանկարների մեծ բազա ստեղծելու մեջ: Այս մասին հաղորդում է The New York Times-ը: Հետաքննությունը սկսվել էր 2011 թ. հունիսից, մեկ տարի անց դադարեցվել էր: Սակայն այժմ այն վերսկսել է, քանի որ չի հաջողվել Facebook-ին համոզել տեղեկատվության գաղտնիության պահպանման համար այլ քաղաքականություն որդեգրել: Գերմանիայի Տեղեկատվության պահպանման վարչության ներկայացուցիչը նշել է, որ բազմիցս հանդիպել են Facebook-ի ներկայացուցիչների հետ, սակայն վերջիններս հրաժարվել են համագործակցել այդ հարցում: Շուկայի կարգավորողները պահանջում են Facebook-ից, որ Գերմանիայում հավաքած լուսանկարների բազան վերացվի, փոփոխություն մտցվի կայքում և պարտադիր դառնա օգտատիրոջ համաձայնությունը` դեմքերի ճանաչման տեխնոլոգիների աշխատանքի համար իր լուսանկարների օգտագործումը: Դեմքերի ճանաչման գործառույթը Facebook-ում գործարկվել է 2011 թ.հունիսից և նպատակն է, որ լուսանկարների վրա նշումներ կատարելն ավելի պարզեցվի: Օգտատերն արդեն ստիպված չի ինքը նշել լուսանկարում պատկերված դեմքերի անունները, այլ դա անում է գործառույթը, նրան մնում է միայն, որ նա դա հաստատի: Այս նորարարությունը դժգոհությունների ալիք էր բարձրացրել Եվրամիության անդամ երկրների մոտ, քանի որ գործող օրենքի համաձայն՝ ընկերությունը պետք է ստանա տվյալ անհատից համաձայնություն` իր մասին տվյալներն օգտագործելու համար:

1 2 3 4 5 Դիտումներ: 325 | Ավելացրեց: ArmFin | վարկանիշ: 0.0/0

Մեկնաբանություններ: 0