Իշխանությունների ցինիզմն արդեն հասել է իր գագաթնակետին, ռեժիմը որոշել է ամեն քայլափոխի ծաղրել ժողովրդին: Երեկ ՀՀ ֆինանսների նախարար Վաչե Գաբրիելյանն Աժ-ում ներկայացնում էր «Նվազագույն աշխատավարձի մասին» ՀՀ օրենքում փոփոխություններ կատարելու կառավարության նախագիծը: Ըստ այդմ` առաջարկվում է նվազագույն աշխատավարձը 32 հազար 500 դրամից դարձնել 35 հազար դրամ: Բայց «ազգի փրկության» ծրագիրը չանցավ, քանի որ բոլորին է հայտնի, որ ՀՀ-ում գներն աճում են երկրաչափական պրոգրեսիայով: Պատահական չէ, որ երբ ընդդիմադիր պատգամավորները ֆինանսների նախարարին հարցրին` ՀՀ-ում խայտառակ գնաճի պայմաններում մարդն ինչպես կարող է ապրել 35 հազար դրամ նվազագույն աշխատավարձով Վ. Գաբրիելյանը կցկտուր բացատրեց. «Սպառողական զամբյուղը կազմող շատ ապրանքներ կարելի է գնել նվազագույն աշխատավարձի 7-8%-ով այսինքն` 2500 դրամով»:
Թերթը նկատում է, որ դեռևս հռոմեական կայսրությունն առաջնորդվում էր «հաց և տեսարաններ» հայտնի բանաձևով: Սերժ Սարգսյանի իշխանությունը հավանաբար լավ է սերտել այս խոսքերը, մի կողմից ժողովրդին թողնում են` ապրի միայն ցամաք հացով, մյոա կողմից շռնդալից շոուներ ու անհեթեթ միջոցառումներ են կազմակերպում ամեն առիթով`հասարակությանը զվարճացնելու, տեսարաններ մատուցելու համար:

Աղբյուրը` maxinfo.am