13:24 Հայ-Ֆրանսիական Գործարարության Ակումբը շնորհավորել է Doing Business-2013-ում Հայաստանի առաջընթացի կապակցությամբ | |
 Հայ-Ֆրանսիական Գործարարության Ակումբը նամակ է հղել Հայաստանի վարչապետին՝ Համաշխարհային Բանկի կողմից հրապարակված «Doing Business-2013» ամենամյա զեկույցի կապակցությամբ:Նամակում, որ ստորագրել են Հայ-Ֆրանսիական Գործարարության Ակումբի նախագահ Արման Փինարբասին եւ ՀՀ-ում Ֆրանսիայի արտակարգ եւ լիազոր դեսպան Անրի Ռենոն, ասվում է. «Մեծարգո պարոն վարչապետ, Համաշխարհային Բանկի կողմից վերջերս հրապարակված «Doing Business-2013» ամենամյա զեկույցից երեւում է Հայաստանի Հանրապետության զգալի առաջընթացը գործարարության ոլորտում, որը բարելավել է իր դիրքերը 18 կետով՝ վարկանիշային աղյուսակի 185 երկրների շարքում զբաղեցնելով 32-րդ տեղը: Հայ-Ֆրանսիական Գործարարության Ակումբը ուրախ է այս նորության համար եւ շնորհավորում է Ձեզ այսպիսի արդյունքի առթիվ: Այս հաջողության մեջ տեսնում ենք այն բարեփոխումների պտուղները, որոնք Ձեր կառավարությունը արդեն իսկ կյանքի է կոչում: Հաշվի առնելով այն, որ Հայաստանը չի դադարում առաջընթաց ունենալ Եվրամիության հետ մերձեցման գործում եւ այսօր ներգրավված է խորը եւ համապարփակ ազատ առեւտրի շուրջ համաձայնություն ձեռք բերելու բանակցային գործընթացում, այս հաջողությունը լուրջ քաջալերում է` շարունակելու եւ արագացնելու բարեփոխումների իրականացման համար անհրաժեշտ աշխատանքները՝ առաջընթացը սատարելու եւ երկրի նկատմամբ օտարերկրյա ներդրողների հետաքրքրությունը բարելավելու նպատակով: Մեր շարքերը համալրած ֆրանսիական ձեռնարկություններն իրենց հերթին ջանք ու եռանդ չեն խնայի նպաստելու Հայաստանի տնտեսության զարգացմանը: Համոզված եղեք, որ Հայ-Ֆրանսիական Գործարարության Ակումբը կօժանդակի Հայաստանի իրականացրած առաջընթացը Եվրամիությունում եւ Ֆրանսիայում մեր գործընկերների կողմից լավագույնս արժեւորելու գործում»: | |
|
| |
| Մեկնաբանություններ: 0 | |
