19:11 Հայ-ֆրանսիական գործարարության ակումբը Տիգրան Սարգսյանին ուղղված նամակում անդրադառնում է Carrefour-ի խնդրին | |
Նամակում, մասնավորապես, ասվում է. «Հարգելի Պարոն Վարչապետ, Հայ-ֆրանսիական գործարարության ակումբը, որը հիմնադրվել է Հայաստանում Ֆրանսիայի դեսպան Անրի Ռենոյի նախաձեռնությամբ 2011թ-ի աշնանը, իր շուրջն է համախմբում Հայաստանում ներկայացված խոշորագույն ֆրանսիական, ինչպես նաեւ Ֆրանսիայում իրենց գործունեությունը ծավալող հայկական ընկերություններին: Ակումբի գործունեությունը միտված է մեր իրավասությունների շրջանակներում ներկայացնել անդամակցող ընկերությունների շահերը պետական մարմիններին, ինչպես նաեւ նպաստել երկու երկրների միջեւ տնտեսական, առեւտրային, գիտատեխնիկական կապերի զարգացմանը: 2012թ-ի դեկտեմբերից ակումբի անդամ է նաեւ «Carrefour Վստահ ենք, որ «Carrefour»-ի ժամանումը շոշափելիորեն կնպաստի Հայաստանի տնտեսության զարգացմանը, մասնավորապես, որակյալ աշխատատեղերի ստեղծմանը եւ սպառողներին մատուցվող ծառայությունների բարելավմանը՝ թե՛ որակի բարձրացման, թե՛ ընտրության բազմազանության տեսանկյունից: Այդ իսկ պատճառով Հայ-ֆրանսիական գործարարության ակումբը կարեւորում է նմանատիպ խոշոր ներդրումային ծրագրի մոտալուտ իրականացումը Հայաստանում: Հաշվի առնելով այս հանգամանքը՝ հույս ունենք, որ Հայաստանի Հանրապետության Կառավարությունը իր լիարժեք աջակցությունը կբերի այս ծրագրի հաջող գործարկմանը՝ ի նպաստ տնտեսության եւ հայ ժողովրդի: Տեղյակ լինելով Ձեր նվիրվածությանը այս ծրագրի հաջողության գործում` կանխավ շնորհակալություն ենք հայտնում «Carrefour» ընկերության՝ Հայաստանում հաստատման ուղղությամբ Ձեր գործադրած ջանքերի համար»: | |
|
| |
Հայ-ֆրանսիական գործարարության ակումբի նախագահ Արման Փինարբասին նամակով դիմել է Հայաստանի վարչապետ Տիգրան Սարգսյանին, որտեղ հույս է հայտնում, որ ՀՀ կառավարությունը իր լիարժեք աջակցությունը կբերի Հայաստանում «Carrefour Armenia»-ի գործունեության մեկնարկին:| Մեկնաբանություններ: 0 | |
