10:20 Հայաստանի դեսպանը հանդիպել է Լիբանանի էներգետիկայի եւ էկոնոմիկայի նախարարների հետ | |
 Փետրվարի 26-ին Լիբանանում Հայաստանի դեսպան Աշոտ Քոչարյանը հանդիպումներ է ունեցել Լիբանանի էներգետիկայի եւ ջրի նախարար Ջեբրան Բասիլի եւ էկոնոմիկայի ու առեւտրի նախարար Նիկոլաս Նահասի հետ:ԱԳՆ մամուլի ծառայությունից հայտնում են, որ քննարկվել են համապատասխան ոլորտներում երկկողմ համագործակցության արդյունավետության բարձրացմանն առնչվող հարցեր: Դեսպան Քոչարյանը նախարար Ջեբրան Բասիլին ներկայացրել է մանրամասներ Հայաստանի էներգետիկ ոլորտի մասին: Քննարկվել են ոլորտում իրականացվող ծրագրերի աշխատանքներին երկու կողմերի անմիջական մասնակցության հնարավորությունները: Զրուցակիցները կարեւորել են շփումների եւ փոխայցելությունների անհրաժեշտությունը, ինչպես նաեւ ապրիլի 9-10-ին Բեյրութում կազմակերպվող նավթի, գազի եւ էներգետիկայի հարցերին նվիրված «LOGEC 2013» միջազգային համաժողովի անցկացումը: Նախարար Նիկոլաս Նահասի հետ կայացած հանդիպմանը կարեւորվել է միջկառավարական հանձնաժողովի աշխատանքների վերսկսումը, կլոր սեղանների եւ համաժողովների կազմակերպումը` գործարարների եւ ձեռներեցների լայն շրջանակի մասնակցությամբ: Ընդգծվել է առեւտրատնտեսական ոլորտում համագործակցության ակտիվացման անհրաժեշտությունը, ինչի շնորհիվ հնարավոր կլինի բարձրացնել ապրանքաշրջանառության ծավալները: Զրուցակիցները համաձայնել են, որ անհրաժեշտ է քննարկել առեւտրատնտեսական համատեղ պալատի ստեղծման հնարավորության հարցը, ինչպես նաեւ մշակել միջկառավարական հանձնաժողովի նստաշրջանի օրակարգի նախագիծը: | |
|
| |
| Մեկնաբանություններ: 0 | |
