16:22 Հայաստանում 2012թ. հյուրանոցային ոլորտի շրջանառության ծավալները գնահատվել են 72.1 միլիոն դոլար | |
Հայաստանում 2012 թվականի համար հյուրանոցային ոլորտի շրջանառության ծավալները գնահատվել են 72.1 միլիոն ԱՄՆ դոլար: Այդ մասին ասվում է «Ամերիա» ՓԲԸ-ի իրականացրած ՀՀ զբոսաշրջության եւ հյուրանոցային գործունեության ոլորտի հետազոտության մեջ: Փորձագետներն ակնկալում են, որ այդ թիվը կհասնի 99.6 միլիոն ԱՄՆ դոլարի 2015 թվականին: Այս ոլորտի մասնաբաժինը Հայաստանի ՀՆԱ-ում 2012 թվականի համար գնահատվում է 0.66 տոկոս, եւ այն ունի աճելու միտում, ակնկալվում է, որ 2015 թվականին այդ ցուցանիշը կհասնի մինչեւ 0.79 տոկոսի: Հայաստանում հյուրանոցային ոլորտի շրջանառության ծավալը յուրաքանչյուր կարգի հյուրանոցի համար գնահատվել է հիմք ընդունելով հյուրանոցի զբաղվածության միջին տարեկան ցուցանիշը, առկա սենյակների փաստացի քանակը եւ դրանց թվի ակնկալվող աճի տեմպն ու սենյակների միջին գները, ընդ որում հյուրանոցային ոլորտի շրջանառության ծավալները ներկայացվել են ըստ ուղղությունների` տեղական եւ միջազգային տուրիստական գործակալություններ, անհատական ամրագրման եւ այլ միջոցներ: | |
|
Մեկնաբանություններ: 0 | |