ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Սեպտեմբեր » 12 » Հայաստանում ամենակարևոր խնդիրը գործազրկությունն է. Կովկասյան բարոմետր 2011

---

16:06 Հայաստանում ամենակարևոր խնդիրը գործազրկությունն է. Կովկասյան բարոմետր 2011

Հայաստանում կյանքից ընդհանուր բավարարվածության միջին մակարդակը անհամեմատ ավելի ցածր է, քան Վրաստանում (5.6 բալ՝ 10 բալանոց սանդղակով), Հայաստանում և Ադրբեջանում այն գնահատվել է հավասար` 5.1 բալ: Ընդ որում՝ Հայաստանի մարզերում կյանքից չբավարարվածներն ավելի շատ են, քան Երևանում, և կազմում են բնակչության մոտ 75%-ը: Այս իրավիճակը պարզել է Հետազոտական ռեսուրսների կովկասյան կենտրոն-Հայաստանը, որի տնօրեն Հեղինե Մանասյանն այսօր հանրությանը ներկայացրեց 2011 թ-ի աշնանը Հայաստանի, Վրաստանի և Ադրբեջանի շուրջ 6 հզ. տնային տնտեսություններում իրականացված Կովկասյան բարոմետրի` 2004 թվականից ի վեր միասնական մեթոդաբանությամբ միաժամանակ իրականացվող ամենամյա ընտրանքային հետազոտության որոշ արդյունքները: 2011թ. հավաքագրված տվյալները ցույց են տալիս, որ հարավկովկասյան երկրներում հանրությանը շարունակել են առավել հուզել տնտեսական խնդիրները. Հայաստանում հարցվածները, որպես ամենակարևոր խնդիր, առավել հաճախ նշել են գործազրկությունը (44%` 2009թ. 32%-ի դիմաց) և աղքատությունը (16%` 2009թ. 12%-ի դիմաց): Ադրբեջանում հարցվածները գերակա են համարել տարածքային ամբողջականության (31%` 2010թ. 53%-ի դիմաց) և հետո միայն գործազրկության (28%) հիմնախնդիրները: Վրաստանում գործազրկությունը մատնանշել են պատասխանողների 55%-ը, իսկ տարածքային ամբողջականությունը` 12%-ը: Հարավկովկասյան երկրներում ընդգծված են մնում միգրացիոն տրամադրությունները. հնարավորության դեպքում այլ վայրում մշտապես բնակվելու կմեկնեին 2011թ. Հայաստանում հարցվածների 25, ադրբեջանցիների` 16 և վրաստանցիների` 11%-ը: Ժամանակավորապես մեկնելու հնարավորությունը կօգտագործեին հայաստանցիների 57, ադրբեջանցիների` 47 և վրաստանցիների` 45%-ը: Հետաքրքիր է, որ այս ամենի հետ երջանկության միջին մակարդակը Հայաստանում կազմել է 6.6 բալ, Ադրբեջանում` 6.1, իսկ Վրաստանում` 6.9 բալ: Հայաստանում երջանկության ամենացածր մակարդակը` 4.8 բալ, գրանցվել է ամուսնալուծվածների շրջանում:

1 2 3 4 5 Դիտումներ: 297 | Ավելացրեց: ArmFin | վարկանիշ: 0.0/0

Մեկնաբանություններ: 0