ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Դեկտեմբեր » 10 » ՀԱՅԷԿՈՆՈՄԲԱՆԿԸ Հրազդան քաղաքում բացում է 2-րդ մասնաճյուղը

---

19:06 ՀԱՅԷԿՈՆՈՄԲԱՆԿԸ Հրազդան քաղաքում բացում է 2-րդ մասնաճյուղը

ՀԱՅԷԿՈՆՈՄԲԱՆԿ ԲԲԸ-ն այսօր Կոտայքի մարզի  Հրազդան քաղաքում` միկրոշրջան թաղամասի 78/12  հասցեում, բացում է իր հերթական 40-րդ, իսկ  Հրազդանում թվով երկրորդ մասնաճյուղը: ՀԱՅԷԿՈՆՈՄԲԱՆԿ ԲԲԸ-ն, շարունակելով  մասնաճյուղային ցանցի ընդլայնման և ՀՀ բոլոր  մարզերում բանկի ներկայացվածության ապահովման  որդեգրած տարածքային քաղաքականությունը, ինչպես նաև, հաշվի առնելով Հրազդան  քաղաքի բնակչության և ՀԱՅԷԿՈՆՈՄԲԱՆԿ ԲԲԸ ՀՐԱԶԴԱՆ ՄԱՍՆԱՃՅՈՒՂ-ի  հաճախորդների կողմից բանկային բարձրորակ, միջազգային չափանիշներին  համապատասխան ծառայությունների նկատմամբ ավելացող պահանջարկը, առկա  հաճախորդների սպասարկման բարելավման և նոր հաճախորդների ներգրավման, բանկի գործառնությունների ընդլայնման հնարավորությունները` Կոտայքի մարզի Հրազդան  քաղաքում բացում է ՀՀ մարզերում իր հերթական 20-րդ մասնաճյուղը: ՀԱՅԷԿՈՆՈՄԲԱՆԿ ԲԲԸ նորաբաց մասնաճյուղը իր գործունեությունը ծավալելու է նոր վերանորոգված, միջազգային ստանդարտներին համապատասխան առաջնակարգ բանկային ծառայությունների մատուցման համար անհրաժեշտ ժամանակակից սարքավորումներով ապահովված շենքում` հաճախորդների արդյունավետ սպասարկման հիմքում ունենալով որակյալ կադրային բազա: Մասնաճյուղը իրականացնելու է բանկային բոլոր գործառնությունները (ցպահանջ և ժամկետային ավանդների ընդունում, վարկերի տրամադրում, հաշիվների սպասարկում, վճարահաշվարկային ծառայություններ, մի շարք վճարային համակարգերով փոխանցումների կատարում, ֆինանսական խորհրդատվություն և այլն): Ընդ որում, մինչև 2014թ. հունիս ամիսը իրականացվող զեղչային ակցիայի շրջանակներում մասնաճյուղի կողմից իրավաբանական և ֆիզիկական անձանց համար բանկային հաշվիները կբացվեն անվճար: 2013թ.-ի դեկտեմբերի 9-ի դրությամբ ՀԱՅԷԿՈՆՈՄԲԱՆԿ ԲԲԸ-ն ընդհանուր կապիտալը գերազանցում է 10.7 մլրդ ՀՀ դրամը, ընդհանուր ակտիվները կազմում են  ավելի քան 75.3 մլրդ դրամ, վարկային ներդրումները` ավելի քան 40.5 մլրդ դրամ, ֆիզիկական անձանց ավանդները` մոտ 18.3 մլրդ դրամ, շահույթը` մոտ 621.0 մլն. դրամ: Բանկն ունի 40 մասնաճյուղ Հայաստանի Հանրապետությունում և Արցախում:

1 2 3 4 5 Դիտումներ: 439 | Ավելացրեց: ArmFin | վարկանիշ: 5.0/1

Մեկնաբանություններ: 0