ՀՀ ֆինանսների նախարար Վաչե Գաբրիելյանը նախօրեին ԱԺ-ում՝ 2013-ի պետբյուջեի նախագծի քննարկման ժամանակ հայտարարեց, թե ինքը համաձայն է այն գնահատականների հետ, ըստ որոնց՝ Հայաստանի տնտեսության 30-35 տոկոսը ստվերում է։ Այդ մասին գրում է «Հայկական ժամանակ» թերթը:

«Այս հայտարարությանն ի պատասխան, Հրանտ Բագրատյանը առարկեց, թե հեղինակավոր միջազգային կառույցների գնահատմամբ՝ Հայաստանի տնտեսության 44.6 տոկոսն է ստվերում։ Երեկ պարզվեց, որ Հրանտ Բագրատյանը փոքր-ինչ սխալվել է «հօգուտ» Վաչե Գաբրիելյանի։ Իրականում, ըստ «Bloomberg Businessweek» հեղինակավոր պարբերականի, ամենաթարմ տվյալներով՝ Հայաստանի տնտեսության կեսից ավելին՝ 51.7 տոկոսն է գտնվում ստվերում։ Եվ այս ցուցանիշով Հայաստանի Հանրապետությունն ամենամեծ ստվերային տնտեսություն ունեցող 28 երկրներիշարքում 19-րդն է։Առաջին, ամենավատ տեղում Բոլիվիան է, որի տնտեսության 70 տոկոսն է ստվերում։ Ամենամեծ ստվեր ունեցող երկրների սանդղակում մեր «հարեւաններն» են՝ Չադը, Կոնգոն, Ռուսաստանը եւ Բենինը։ Միակ մխիթարությունը, թերեւս, այն է, որ Ադրբեջանի տնտեսության ավելի մեծ մասը՝ 69.6 տոկոսն տոկոսն է ստվերում»,- գրում է «Հայկական ժամանակը»։