«Նպաստները սովորաբար վճարվում են յուրաքանչյուր ամսվա մինչեւ 30-ը։ Այս անգամ ցուցակները կան, գումարը՝ ոչ։ Փոստային բաժանմունքից հաստատեցին, որ նպաստները չեն վճարել, պատճառն այն է, որ իրենց չի փոխանցվել անհրաժեշտ գումարը։ «Ժողովուրդը սպանեց, սովորաբար ամսի 25-ից հետո վճարում ենք, բայց հիմա գումարը չեն փոխանցել, ինչպե՞ս վճարենք»,- ասաց աշխատակիցներից մեկը։ ՀՀ աշխատանքի եւ սոցիալական հարցերի նախարարություններից հայտարարեցին, որ գումարն արդեն փոխանցված է։ Ընդ որում, դա արվել է օրեր առաջ։ Բայց թե որտեղ է կորել-մոլորվել, հայտնի չէ։ Իսկ մինչ պատկան մարմինները մտածում են՝ մի օր այս կողմ, այն կողմ, ինչ տարբերություն՝ «կուշտը սովածին մանր բրդելու» սկզբունքով, սոցիալապես անապահով խավը, որոնք նպաստով են ապրում, հնարավոր է, քաղցած օրեր է մթնեցնում»,- գրում է «Հայկական ժամանակը»։