19:29 ՀՀ էկոնոմիկայի նախարարն ընդունել է Միջազգային ֆինանսական կորպորացիայի (IFC) Եվրոպայի և Միջազգային Ասիայի խորհրդատվական ծառայության ղեկավարին | |
Հունիսի 7-ին ՀՀ էկոնոմիկայի նախարար Վահրամ Ավանեսյանն ընդունել է Համաշխարհային բանկի խմբի անդամ Միջազգային ֆինանսական կորպորացիայի (IFC)Եվրոպայի և Միջազգային Ասիայի խորհրդատվական ծառայության ղեկավար Լիզա Քեսթներին: Հանդիպմանը ներկա էր նաև Հայաստանում Միջազգային ֆինանսական կորպորացիայի Ներդրումային միջավայրի բարեփոխումների ծրագրի ղեկավար Արսեն Նազարյանը:
Հանդիպման նպատակը Կորպորացիայի կողմից Հայաստանում գործարարությամբ զբաղվելու բարեփոխումների ծրագրի ընթացքի քննարկումն էր: Կողմերը մտքեր փոխանակեցին ծրագրի հիմնական ուղղությունների վերաբերյալ, մասնավորապես`տեսչական բարեփոխումների, առևտրի,արտահանման և ներմուծման ընթացակարգերի պարզեցման և մի շարք այլ առանցքային ոլորտներին առնչվող հարցերի վերաբերյալ:
Էկոնոմիկայի նախարարի խոսքով երկրի տնտեսական քաղաքականության հետ համահունչ են այն նախաձեռնություններն ու ծրագրերը, որ նպաստում են երկրում գործարար միջավայրի բարելավմանը, ներդրումների ներգրավմանը, միջազգային առևտրի խթանմանը և տնտեսական աճ են ապահովում: Նա նաև ընդգծեց, որ Միջազգային ֆինանսական կորպորացիայի հետ վերոնշյալ ուղղություններով իրականացվող ծրագրերի շրջանակներում համագործակցությունը լինելու է շարունակական: | |
|
Մեկնաբանություններ: 0 | |