ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Ապրիլ » 23 » ՀՀ գյուղատնտեսության նախարարի պաշտոնակատար Սերգո Կարապետյանն ընդունեց ԱՄՆ Փենսիլվանիա նահանգից սենատոր Մայք Բրուբեյքերին

---

21:32 ՀՀ գյուղատնտեսության նախարարի պաշտոնակատար Սերգո Կարապետյանն ընդունեց ԱՄՆ Փենսիլվանիա նահանգից սենատոր Մայք Բրուբեյքերին

ՀՀ գյուղատնտեսության նախարարի պաշտոնակատար Սերգո Կարապետյանն այսօր ընդունեց ԱՄՆ Փենսիլվանիա նահանգից սենատոր Մայք Բրուբեյքերին:  Այցը ճանաչողական էր, և հյուրի խնդրանքով ՀՀ գյուղատնտեսության նախարարի պաշտոնակատարը համառոտակի անդրադարձավ Հայաստանի գյուղատնտեսության ձեռքբերումներին` անկախությունից ի վեր, շնորհակալությամբ շեշտելով ԱՄՆ-ի կառավարության այն մեծ աջակցությունը Հայաստանի գյուղատնտեսությանը, որի շնորհիվ ոլորտի մի շարք ճյուղեր արդիականացվելով կարողացան ապահովել բարձրորակ արտադրանք, աստիճանաբար ավելացնել արտահանման ծավալները և մտնել դրսի շուկա: Սերգո Կարապետյանը խոսեց առանձնապես վերջին երկու տարիներին գյուղատնտեսությունում նկատվող կայունության միտումների մասին, որոնք առաջին հերթին հնարավոր են դարձել Հայաստանի կառավարության կողմից իրականացվող լայնամասշտաբ աջակցության ծրագրերի իրականացման շնորհիվ:  Շնորհակալություն հայտնելով ընդունելության համար, սենատոր Մայք Բրուբեյքերն իր հերթին ներկայացրեց Փենսիլվանիա նահանգի գյուղատնտեսության նկարագիրը, նշելով, որ այն ԱՄՆ-ի ամենազարգացած գյուղատնտեսություն ունեցող նահանգներից է և հարուստ ավանդներ ու արտադրության վարման մեծ փորձ ունի: Այս կապակցությամբ նախարարի պաշտոնակատար Սերգո Կարապետյանն առաջարկեց հնարավորինս օժանդակել ամերիկյան գործարարներին Հայաստանի գյուղատնտեսության մեջ ներդրումներ կատարելու գործում:  Սենատոր Մայք Բրուբեյքերը պատրաստակամություն հայտնեց ըստ ամենայնի աջակցել նշված խնդրի իրականացմանը:

1 2 3 4 5 Դիտումներ: 309 | Ավելացրեց: ArmFin | վարկանիշ: 5.0/1

Մեկնաբանություններ: 0