Վարչապետը կախարդական փայտիկ չունի, նախարարները նույնպես, բա ի՞նչ ենք անելու…
Անկեղծ ասած սա այն եզակի հարցազրույցներից մեկն է, որը կարելի է ասել մի քանի անգամ եմ կարդացել, քանի որ լրագրողների հարցերը շատ սուր էին և ակտուալ/հիշեցում՝ Սերժ Սարգսյանը Ծաղկաձորում «Բազե-2014» համահայկական երիտասարդական հավաքի փակման հանդիսավոր արարողությանը պատասխանել է ճամբարական լրագրողներին հետաքրքրող հարցերին/: Անկեղծ ասած թող ների ինձ ՀՀ նախագահը, բայց իր տված պատասխանների շուրջ ես որոշ վերապահումներ ունեմ, այնպես, որ այդ մասով ես նախընտրում եմ լռել:

Ինչևիցէ եկեք ավելի շատ կենտրոնանանք հարցերից մեկի վրա և այսպես («Հանրային ռադիո»-ի լրագրող Արմինե Գևորգյանը հարցնում է՝ - ՛՛Պարո՛ն Նախագահ, այ ասում եք, որ մեզ փոփոխություններ են սպասվում, ի՞նչ փոփոխությունների մասին է խոսքը, և կուզենայի նաև անդրադառնայիք այն հայտարարությանը, երբ Հովիկ Աբրահամյանը վարչապետի պաշտոնը ստանձնելուց հետո հայտարարեց, որ պայքարելու է ստվերի դեմ, խոշորին անպայման բերելու են հարկային դաշտ: Հիմա, այսպես ասած, ժամանակ է խնդրել այդ ստվերի դեմ պայքարելու, հարկային դաշտ բերելու համար, ընդդիմությունը հայտարարում է, որ ծրագիրը պարզապես ձախողված է: Ի՞նչ եք կարծում այս առումով, կառավարության այդ քայլերն ի վերջո արդյունք կունենա՞ն: Հովիկ Աբրահամյանն ասաց՝ ես կախարդական փայտիկ չունեմ, որպեսզի մեկ օրում այդ ամենն իրականացնեմ: Ե՞րբ կգա իրականացնելու այդ ժամանակը՛՛: 

Հարգելի ընթերցողներ , ինչպես տեսնում եք այս հարցը այնքան ծավալուն է և խորիմաստ, որ հարցին համարժեք պատասխանելու համար անհրաժեշտ էր, որպեսզի ՀՀ նախագահը շատ փակագծեր բացեր, սակայն ինչ- ինչ հասկանալի, կամ անհասկանալի պատճառներով նա դա չարեց: Երևի մենք միասին փորձենք շատ մակերեսորեն պատասխանել Արմինեին՝-՛՛ Հարգելի Արմինե՝-այն քաղաքական դրվածքը, որ մենք այսօր ունենք թույլ չի տալիս, որ իրականացնելու ժամանակը գա, այ տեսեք, սկսենք ԱԺ-ից, այսինքն օրենսդիր մարմնից՝-ՀՀԿ-ն միանձնյա որոշումներ է կայացնում, այո ՀՀԿ-ն, որի ներկայացուցիչներն էլ ՀՀ կառավարությունն են ներկայացնում: Ինչպես կարող է իրականացման ժամանակը գա, եթե եթե Աժ-ում ներկայացված այլ կուսակցությունները ուղղակի շանս չունեն իրենց կողմից ներկայացվող օրենքի նախագծերը կյանքի կոչել/ կան բավականին փաստեր, որոնց մասին ես բազմիցս գրել եմ/, չէ, որ առաջին խոչնդոտ ստեղծողը դա ՀՀ կառավարությունն է, ով իր եզրակացությունով զրոյի է հավասարացնում յուրաքանչյուր ազգանպաստ նախաձեռնություն, այսինքն մերժում է և վերջ…Քանի այս վիճակն է տիրում, քանի խորհրդարանում և ՀՀ կառավարությունում նույն մարդիկ են որոշումներ ընդունում, այդ ժամանակը ցավոք սրտի չի գալու, իսկ, ինչ վերաբերվում է կախարդական փայտիկին՝-ապա միգուցե կախարդական փայտիկը կլիներ, եթե բավարար ցանկություն լիներ…

Գրում է Կարեն Թումանյանը իր ֆեյսբուքյան էջում