ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Հունիս » 25 » ՀՀ ԿԲ` բանկային համակարգի ֆինանսական կայունությունը վտանգված չէ

---

23:16 ՀՀ ԿԲ` բանկային համակարգի ֆինանսական կայունությունը վտանգված չէ

Հայաստանի Հանրապետության Կենտրոնական  բանկն այսօր հայտարարել է, որ «Հայաստանի  բանկային համակարգի ֆինանսական  կայունությունը վտանգված չէ, եւ որ նման  լուրերն անհիմն են ու չեն համապատասխանում իրականությանը»:  «Վերջին շրջանում որոշ լրատվամիջոցներ  անդրադարձել են Հայաստանի բանկային  համակարգին` տեղեկություններ տարածելով, իբրեւ համակարգում տեղի են  ունենում տագնապալի գործընթացներ, եւ համակարգի կայունությունը վտանգված է: Բանկային համակարգի կապիտալի համարժեքության նորմատիվային ցուցանիշը (նորմատիվային կապիտալի եւ ռիսկով կշռված ակտիվների հարաբերակցությունը) 2013 թ.-ի առաջին եռամսյակի վերջի դրությամբ կազմել է 16.4%, ընդ որում, վերջին 5 տարիների ընթացքում բոլոր բանկերն առանձին բավարարել են կապիտալի համարժեքության նորմատիվային ցուցանիշի նվազագույն պահանջը` 12% (ընդ որում, Բազելյան կոմիտեի կողմից առաջարկվող նվազագույն սահմանաչափը 8% է):  Բանկային համակարգի չաշխատող վարկերի տեսակարար կշիռը ընդհանուր վարկերում 2013 թ.-ի առաջին եռամսյակի վերջի դրությամբ կազմել է 5.2%, որը, չնայած տարեվերջի համեմատ փոքր-ինչ աճել է, սակայն դեռեւս բավական հեռու է ռիսկային համարվելուց (աճը մասամբ պայմանավորված է այն հանգամանքով, որ հաշվապահական ձեւակերպման արդյունքում ստանդարտ դասի վարկեր, որոնք, չնայած մնացել են տնտեսությունում, դուրս են եկել առեւտրային բանկերից մեկի հաշվեկշռից եւ սկսել են հաշվառվել մայր բանկի հաշվեկշռում): Համեմատության համար նշենք, որ Արեւելյան Եվրոպայի երկրներում այս ցուցանիշը հասնում է մինչեւ 20%:  Իրացվելիության մակարդակով բանկային համակարգը առավել քան իրացվելի է. բարձր իրացվելի ակտիվների կշիռը ընդհանուր ակտիվներում եւ ընթացիկ պարտավորություններում առաջին եռամսյակի վերջի դրությամբ կազմել են համապատասխանաբար 26.1% եւ 136.1% (նվազագույն սահմանաչափերը` համապատասխանաբար 15% եւ 60%):  Նշենք նաեւ, որ բանկային համակարգի կայունությունը նպաստում է նրան, որ տնտեսությանը տրամադրված վարկերը շարունակում են արագ աճել նաեւ 2013 թ.-ին», - ասված է ԿԲ հաղորդագրության մեջ:

1 2 3 4 5 Դիտումներ: 373 | Ավելացրեց: ArmFin | վարկանիշ: 5.0/1

Մեկնաբանություններ: 0