Գլխավոր ԷՋ
Բանկեր
Վարկային կազմակերպ
Մեր հարցը Ձեզ
ՎԻՃԱԿԱԳՐՈՒԹՅՈՒՆ
Օնլայն ընդամենը: 1
Հյուրեր: 1
Մասնակիցներ: 0
ՓՆՏՐԵԼ
Օրացույց
ՄԵՐ ԳՈՐԾԸՆԿԵՐՆԵՐԸ
ՏԵՍԱՆՅՈՒԹԵՐ (VIDEO)
Լրահոսի արխիվ
ԳԼԽԱՎՈՐ » 2013 » Սեպտեմբեր » 4 » Հրապարակ օրաթերթում 03.09.13 տեղ գտած հոդվածին ի պատասխան <<ՀԱՅԷԿՈՆՈՄԲԱՆԿ>> ԲԲԸ Խորհրդի Նախագահ Սարիբեկ Սուքիասյանի մեկնաբանությունը
21:38 Հրապարակ օրաթերթում 03.09.13 տեղ գտած հոդվածին ի պատասխան <<ՀԱՅԷԿՈՆՈՄԲԱՆԿ>> ԲԲԸ Խորհրդի Նախագահ Սարիբեկ Սուքիասյանի մեկնաբանությունը | |
Ինչպե՞ս կմեկնաբանեք մեր օրաթերթում տեղ գտած հրապարկումը այն մասին, որ դուք նախաձեռնում եք ՀՀ ամայացած տարածքների վերաբնակեցման նախագիծ: Բանկի տարեկան ժողովի ժամանակ ես մեր բաժնետերերին և հանրությանը տեղեկացրի, որ բիզնեսի սոցիալական պատասխանատվության շրջանակներում "Հայէկոնոմբանկը” մշակում է ծրագիր Հայաստանում օրստօրե վատթարացող ժողովրդագրական վիճակի բարելավմանը օժանդակելու նպատակով: Դեռ կառուցվածքային առումով հարցեր ունենք պարզելու, սակայն դրա հետ կապված որոշ աշխատանքներ են տարվում գործընկերական հարաբերություններ ստեղծելու ուղղղությամբ: Այդ աշխատանքների շրջանակներում որոշ հանդիպումներ են տեղի ունենում: Սակայն պետք է նշեմ, որ կոնկրետ վերաբնակեցնելու նախագիծ, որպես այդպիսին, չի քննարկվել: Մասնավորապես, հանդիպումների ժամանակ քննարկվել է այն հարցը, որ Հայաստանից արտագաղթած մեր հայրենակիցների մի ստվար զանգված ցանկանում է վերադառնալ բայց չունի այդ քայլին դիմելու ֆինանսական միջոցներ: Այսինքն, այդ մարդիկ նույնիսկ տոմսի փող չունեն, և նրանց թիվն ահռելի է` ընդ որում, այդ օրինակներն բազմաթիվ են ինչպես Ռուսաստանում, այնպես էլ ԱՄՆ-ում և Եվրոպայում բնակվող հայերի շրջանում: Այդ պատճառով մենք բանկում քննարկում ենք նաև հայրենադարձության օժանդակման բանկային մեխանիզմերի ստեղծման հնարավորությունները:
Այսինք վարկավորման տարբերակնե՞ր Դեռ պարզ չէ, քանի որ նրանցից շատերը հեռանալով այրել են բոլոր կամուրջները, այսպիսով չթողնելով գրավի որևէ առարկա: Մենք պետք է այնպիսի մեխանիզմ մշակենք, որը թույլ կտա թիրախային խմբերին օգտվելու այդ հնարավորությունից: Իսկ ո՞ր կազմակերպությունների հետ եք այս հարցը քննարկել: Չէի ուզենա կոնկրետ անուններ նշել, քանի որ նախապես չեմ պայմանավորվել մեր գործընկերների հետ այդ մասին: Ամեն դեպքում արտագաղթի թեմայով մենք հոկտեմբերի 2-ին գիտաժողով ենք կազմակերպում, որտեղ շատ հարցերի պատասխաններ կտրվեն: Իսկ մինչ այդ, ես կաշխատեմ մեկ այլ, ավելի լայնածավալ հարցազրույցի շրջանակներում լուսաբանել մեր ծրագրերը: Ձեզ թվում է, որ այս հարցում մասնավոր սեկտորը կարող է պետությանը փոխարինե՞լ: Ոչ, իմ կարծիքով այս, ինչպես նաև նմանօրինակ այլ հիմնախնդիրների լուծման համար պետության դերը անփոխարինելի է: Սակայն, մասնավոր սեկտորը ևս ձեռքերը ծալած չպետք է նստի: Ի վերջո, գոյություն ունի բիզնեսի սոցիալական պատասխանատվության գաղափար, որին յուրաքանչյուր գործարար պետք է արձագանքի: Արդյո՞ք ձեր նախաձեռնության հիմքում պետական համակարգի թերությունների վերհանումը չէ: Անշուշտ, ինչպես մյուս ոլորտներում, այնպես էլ այստեղ մենք խնդիրներ ունենք: Ասեմ ավելին` իմ կարծիքով առկա ժողովրդագրական պատկերը մեր երկրի համար ազգային անվտանգության խնդիր է դարձել: Եվ սա է պատճառը, որ մենք բոլորս, պարտավոր ենք մի կողմ դնել մեր անձնական և քաղաքական նպատակներն ու աշխատել կառուցողականության մթնոլորտում: Եվ մեր նախաձեռնության հիմքում ոչ թե պետական համակարգի թերությունների վերհանումն է, ինչպես նշեցիք, այլ վերաբնակեցման հիմնախնդրի լուծմանը գործուն կերպով աջակցելն է: | |
|
Մեկնաբանություններ: 0 | |