17:01 Ինչքան բարեփոխում են, այդքան այս երկիրը կործանվում է. Լևոն Տեր-Պետրոսյան. Azatutyun.am | |
Հայաստանում իրականացված բարեփոխումներն ուղղված են երկիրը կործանելուն, այս մասին այսօր «Հայ ազգային կոնգրես» կուսակցության երիտթևի համագումարից հետո «Ազատություն» ռադիոկայանի հետ զրույցում ասել է ՀՀ առաջին նախագահ Լևոն Տեր–Պետրոսյանը՝ պատասխանելով սահմանադրական բարեփոխումներին վերաբերող հարցին։ «Ինչքան բարեփոխում են, այդքան այս երկիրը կործանվում է, նրանց բոլոր չակերտավոր բարեփոխումները ուղղված են երկիրը կործանելուն»,-ասել է նա:
Հարցին, որ այսօր երիտասարդներն են դուրս եկել փողոց ու պահանջում են աշխատել ի շահ ժողովրդի, արդյոք իր կարծիքով կառավարությունն այնպիսի ճգնաժամի մեջ է, որ միայն քաղաքացիական շարժումն է ի զորու խնդիրը լուծել, նա պատասխանել է. «Ես համաձայն չեմ, դա ընդամենը մի տարր է, որն անհրաժեշտ տարր է, բայց հիմնականը քաղաքական ուժերը պետք է լուծեն հարցը»:
Մեկ այլ հարցի, թե քաղաքացիական նախաձեռնությունները հանրային ճնշման միջոցով կարո՞ղ են արդյունքի հասնել, նա պատասխանել է. «Առանց քաղաքական ուժերի աջակցության, ոչ մի բանի չեն կարող հասնել: Հակառակն էլ ասեմ՝ քաղաքական ուժերն էլ առանց քաղաքացիական շարժումների աջակցության որևէ հաջողության չեն կարող հասնել»:
Լևոն Տեր-Պետրոսյանը կարծիք է հայտնել նաև «Պարտադիր կուտակային կենսաթոշակների մասին» օրենքի, ինչպես նաև դրա դեմ ծավալված շարժման մասին։
«Սա լուրջ շարժում է և ճիշտ հարցադրում է, բայց ինձ համար մի մասնակի հարց է, անգամ եթե կուտակայինը լուծեցին ժողովրդի ուզած ձևով, դա ի՞նչ է փոխելու երկրում: Հազար հատ կուտակայինի պես հարց գոյություն ունի այսօր, թալանը վերանալո՞ւ է, արտագաղթը վերանալո՞ւ է: Իմ խնդիրը համակարգն է, ուրիշ խնդիր ես չունեմ: Ցանկացած այդպիսի հարց որ բարձրացվում է, ողջունելի է, եթե դրանք շատանան, բազմազան, դառնան ավելի զանգվածային, հենց դա կնպաստի համակարգային փոփոխություններին»,- ասել է նա:
ՀՀ առաջին նախագահը հրաժարվել է արձագանքել ԵԱՀԿ Մինսկի խմբի ամերիկացի համանախագահ Ջեյմս Ուորլիքի վերջին հայտարարությանը:
Շարունակությունը այստեղ: | |
|
Մեկնաբանություններ: 0 | |