19:09 «Իրատես de facto». Դարձյալ գազի սակագնի մասին | |
Գազի սակագնի հնարավոր բարձրացման մասին վերջին մեկ ամսում խոսում են բոլորը, բացառությամբ էներգետիկայի նախարարի։ Եվ վերջապես «Իրատես de facto» թերթին հաջողվել է զրուցել նախարարի հետ. «-Պարոն նախարար, Ձեզ հետ ուզում եմ խոսել Ձեր չսիրած հարցի` գազի սակագնի մասին։ -Ո՞վ է ասում, որ այդ հարցն իմ սիրած հարցը չէ։ -Այդ դեպքում խոսենք հենց Ձեր սիրած հարցից։ -Դրա մասին կխոսենք, երբ բանակցությունները կավարտվեն։ -Ե՞րբ կավարտվեն։ -Իսկ ե՞րբ են սկսվել բանակցությունները։ -Մոտ երեք ամիս է։ -Եթե հիշում եք, Դուք պարբերաբար ասում էիք, որ գազի սակագնի բարձրացում տեղի չի ունենա։ Ո՞րն է երաշխիքը, որ այդպիսի բան չի լինի եւ ինչո՞ւ չպետք է լինի։ -Իսկ ես նման երաշխիք երբեւէ տվե՞լ եմ։ Ասել եմ հետեւյալը` ինչպիսի սակագին էլ սահմանվի, միեւնույն է, այն ցածր կլինի ԱՊՀ երկրներին տրամադրվող գազի սակագնի համեմատ։ Դա երաշխավորում եմ։ -Ամեն դեպքում, գազի սակագինը մոտավորապես ինչքա՞ն կբարձրանա։ Նկատեմ, որ անցած տարի սահմանի վրա արդեն իսկ գազի մաքսային արժեքը բարձրացել է։ -Չեմ կարող այս պահին սակագնի վերաբերյալ հստակ որեւէ բան ասել, քանի որ բանակցություններն ընթացքի մեջ են, եւ դրանց արդյունքում միայն հարցը կհստակեցվի»,- մեջբերում է «Իրատես de facto»-ն։ | |
|
Մեկնաբանություններ: 0 | |