Կառավարության եզրակացության մեջ նշված է, որ 2012 թ. առաջին վեց ամիսների ընթացքում ակցիզային հարկով հարկման ենթակա` շքեղ ավտոմեքենաների ներմուծման ծավալները կրճատվել են նախորդ երեք տարիների նույն ժամանակահատվածների համեմատությամբ, ինչի արդյունքում հարաբերականորեն կրճատվել են նաեւ պետական բյուջեի հարկային եկամուտները:

Այնուհետեւ նշվել է, որ 2012 թ. հունվարի 1-ից կիրառվող օրենսդրական փոփոխությունը արդարացված է: Խնդիրը նրանում է, որ շքեղ ավտոմեքենաները հարկելու մտադրությունը ավտոմեքենա ներմուծողներին հայտնի է եղել դեռեւս 2011 թ. սեպտեմբեր-հոկտեմբեր ամիսներից, ինչի արդյունքում ավտոմեքենա ներմուծողները կատարել են պարզ հարկային պլանավորում եւ շքեղ ավտոմեքենաների լրացուցիչ քանակությունները ներմուծել են մինչեւ 2012 թ. հունվարի 1-ը: Այսպես՝ 2009 թ. ներմուծվել են 177, 2010 թ.` 255, իսկ 2011 թ.` 310 շքեղ ավտոմեքենաներ (2011 թ. ներմուծվածների գերակշիռ մասը հենց սեպտեմբեր-դեկտեմբեր ամիսների ընթացքում):