Ի դեպ, Մոսկվայում, որը համարվում է աշխարհի ամենաթանկ մայրաքաղաքներից մեկը, նույն կարմիր խավարը հնարավոր է ձեռք բերել երկու անգամ ավելի էժան, քան Հայաստանում:

Այսպիսով, գնաճը փետրվարին, նախորդ տարվա փետրվարի համեմատ կազմել է 103,1%:  Պարենային ապրանքների մասով այն կազմել է  102,6%: Միջին մանրածախ գներում աճի բարձր տեմպն արձանագրվել է ալկոհոլային խմիչքների եւ ծխախոտի խմբում` 5,1%:

Բժշկական  ծառայությունը, դեղորայքի հետ համատեղ  աճել է միջինը 10,2%-ով: Սա, իհարկե, կարմիր խավիար չէ, եւ կարիք ունեցողների համար  դժվար է հրաժարվել  դրանցից:

Սպիրտային խմիչքի խմբում ընդհանուր առմամբ արձանագրվել է գնաճ, բացի  շամպայնից եւ երեք աստղանի «Մանե» կոնյակից, որոնց  գինը նվազել է  14,5-ական տոկոսով: Անցյալ տարվա մակարդակին է մնացել տեղական օղու գինը:

Ամենավատն այն է, որ թանկացել է Հայաստանի բանկիչների համար ամենակարեւոր սննդամթերքը` հացը:  Վերջին տարիներին հացի գներն անշեղորեն բարձրանում են, ընդ որում անտեսելով հացահատիկի միջազգային շուկայում գների միտումները:

Սկզբում նշենք, որ տարվա ընթացքում մայրաքաղաքում կտրուկ աճել է բարձր կարգի ալյուրի գինը 20,5%-ով:  Բարձր կարգի հացի գինն էլ  թանկացել է  8,6%-ով կիլոգրամի դիմաց: Սրա հետ կապված ավելացել են նաեւ մակարոնեղենի գները:

Ամսական միջին անվանական աշխատավարձի տվյալները փետրվարի մասով դեռեւս չեն հրապարակվել, սակայն հազիվ թե այդ ցուցանիշի աճի տեմպը գերազանցի հունվարյան մակարդակը` 4,5%: Դժվար չէ նկատել, որ վերոնշյալ թանկացումներն իրենց աճի տեմպով գերազանցում են ամսական միջին անվանական աշխատավարձի ցուցանիշը:

Գների դինամիկայում կան, իհարկե, նաեւ դրական պահեր: Օրինակ, տավարի միսը թանկացել է, սակայն խորհրդանշական` 0,1%-ով: Իսկ ահա խոզի եւ ոչխարի մսի գինը նվազել է համապատասխանբար 6,8% եւ 19,2% -ով: