ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Հունիս » 29 » Կայացավ "ՀԱՅԷԿՈՆՈՄԲԱՆԿ" ԲԲԸ 2011թ. տարեկան ընդհանուր ժողովը

---

21:39 Կայացավ "ՀԱՅԷԿՈՆՈՄԲԱՆԿ" ԲԲԸ 2011թ. տարեկան ընդհանուր ժողովը

2012թ. հունիսի 29-ին ժ. 11:00-ին` Մարիոթ-Արմենիա հյուրանոցի Տիգրան Մեծ սրահում տեղի ունեցավ "ՀԱՅԷԿՈՆՈՄԲԱՆԿ" ԲԲԸ բաժնետերերի տարեկան ժողովը:  "ՀԱՅԷԿՈՆՈՄԲԱՆԿ" ԲԲԸ , շնորհիվ կորպորատիվ կառավարման, ներքին հսկողության համակարգի բարձր մակարդակի և ռիսկերի կառավարման օպտիմալ ռազմավարության ընտրության, պատվով կատարեց իր առջև դրված ռազմավարական խնդիրները, որը հետճգնաժամային իրավիճակի պայմաններում բանկի գործունեության կարևորագույն գնահատականն է:  2011թ. "ՀԱՅԷԿՈՆՈՄԲԱՆԿ" ԲԲԸ համար նշանավորվեց մի շարք կարևոր ձեռքբերումներով, որակական դրական տեղաշարժերով և միջազգային ֆինանսավարկային կառույցների հետ համագործակցության խորացմամբ և ընդլայնմամբ:  Հաշվետու տարվա հիշարժան իրադարձություններից նշանակալի են հետևյալները. Հայաստանում առաջին անգամ ՎԶԵԲ-ն իրենց գործառույթներով հնարավոր առավելագույն ժամկետով (ևս երեք տարով) երկարաձգեց իր մասնակցությունը (25% +1 բաժնետոմս) Բանկի կանոնադրական կապիտալում: Բանկի և Ասիական Զարգացման Բանկի միջև կնքվեց արտաքին առևտրի ֆինանսավորման վարկային գծի տրամադրման պայմանագիր, որի համաձայն բանկը միացավ Ասիական Զարգացման Բանկի Առևտրի խթանման ծրագրին: Բանկի ու Սևծովյան Առևտրի և Զարգացման Բանկի միջև կնքվեց 5.0 մլն. ԱՄՆ դոլար գումարով թվով երկրորդ վարկային պայմանագիրը, որով ներգրավված միջոցներն ուղղվելու են փոքր և միջին բիզնեսի վարկավորմանը: Բանկի և ՎԶԵԲ-ի միջև կնքվեց 6.0 մլն. ԱՄՆ դոլարին համարժեք ՀՀ դրամ գումարով վարկային պայմանագիր, որով ներգրավված միջոցներն ուղղվելու են միկրո, փոքր և միջին բիզնեսի վարկավորմանը: Վերը նշված պայմանագրի շրջանակներում ՎԶԵԲ-ը Բանկին ցուցաբերում է նաև սկսնակ բիզնեսի վարկավորման և գյուղատնտեսական փոքր վարկերի տրամադրման հետ կապված տեխնիկական աջակցություն: Բանկը դարձավ "VISA" միջազգային վճարահաշվարկային համակարգի անդամ: "ՆՈՒԲԱՐԱՇԵՆ", "ԳԱՎԱՌ", "ՌՈՍԻԱ" ՄԱՍՆԱՃՅՈՒՂԵՐԻ, ինչպես նաև հասցեափոխված և անվանափոխված "ՍԱՐԱՋՈՎ" ՄԱՍՆԱՃՅՈՒՂԻ գործարկումը: Միացումը "Intelexpress" վճարահաշվարկային համակարգերին: Շահութաբաժինների վճարման առումով 2012թ. հոբելյանական է, քանզի 10-րդ տարին անընդմեջ բանկը նախատեսում է շահութաբաժինների վճարում իր բաժնետերերին: Այսպես, բանկի որդեգրած շահութաբաժինների վճարման քաղաքականության համաձայն 2011թ. տարեկան արդյունքներով նախատեսվում է շահութաբաժինների վճարում` տարեկան 9% եկամտաբերությամբ: 2011թ.-ին բանկի զարգացման առանցքային ցուցանիշները 2010թ.-ի նկատմամբ, միջինով աճել են. Ընդամենը ակտիվներ 12.9%-ով, Վարկային ներդրումներ 11.0%-ով, Ժամկետային ավանդներ 38.8%-ով, Ընդհանուր կապիտալ 0.4%-ով, Մատուցված ծառայություններից զուտ եկամուտ 9.4%-ով: Հաշվետու տարին առավել արդյունավետ էր պլաստիկ քարտերով ծառայությունների ընդլայնման առումով: Զբաղեցնելով ԱՐՔԱ պլաստիկ քարտերի շուկայի զգալի հատվածը` տարվա ընթացքում տրվել է մոտ 32,000 տեղական և միջազգային քարտ, հասցնելով դրանց ընդհանուր քանակը մոտ 140,500-ի:  Շուկայում բանկի ունեցած դիրքի կայունության, հաճախորդների համար վստահելի գործընկերոջ համբավի գերակայության և բանկի նկատմամբ հաճախորդների վստահության շարունակական աճի մասին է վկայում հաշվետու տարվա ընթացքում ինչպես ֆիզիկական անձանց ավանդների 52.9%-ով, այնպես էլ բանկի ակտիվ գործող հաճախորդների թվաքանակի 28.3%-ով աճը` որի արդյունքում բանկի հաճախորդների թիվը գերազանցել է 106,200-ը:  2012թ.-ի հունիսի 27-ի դրությամբ "ՀԱՅԷԿՈՆՈՄԲԱՆԿ" ԲԲԸ ընդհանուր կապիտալը գերազանցում է 9.2 մլրդ դրամը, ընդհանուր ակտիվները կազմում են 60.4 մլրդ դրամ, վարկային ներդրումները` 32.7 մլրդ դրամ, ֆիզիկական անձանց ավանդները` 12.8 մլրդ դրամ: Բանկն ունի 39 մասնաճյուղ Հայաստանի Հանրապետությունում և Արցախում:

1 2 3 4 5 Դիտումներ: 459 | Ավելացրեց: ArmFin | վարկանիշ: 0.0/0

Մեկնաբանություններ: 0