22:00 Կայանալու է «Հայաստանը Ձեր գործընկեր էքսպո 2013» ցուցահանդեսը | |
ՀՀ Կառավարության եւ ՀՀ առեւտրաարդյունաբերական պալատի բարձր հովանու ներքո հոկտեմբերի 11-ին ժամը 13–ին «Երեւան էքսպո» ցուցահանդեսային համալիրում կկայանա «Հայաստանը Ձեր գործընկեր էքսպո 2013» 4-րդ տարածաշրջանային, բազմաբնույթ առեւտրաարդյունաբերական ցուցահանդեսի բացումը։ ՀՀ առեւտրաարդյունաբերական պալատի լրատվական ծառայությունից հայտնում են, թե «Հայաստանը` Ձեր գործընկեր» 2013 ցուցահանդեսին մասնակցում են ինչպես հայրենական, այնպես էլ արտերկրյա ավելի քան 120 կազմակերպություններ` ներկայացնելով Ռուսաստանը, Վրաստանը, Պարսկաստանը, Սիրիան եւ այլ երկրներ: Ցուցահանդեսի շրջանակներում առաջին անգամ մեր երկրի ցուցահանդեսային պատմության մեջ կիրականացվի համտես-մրցույթ:Սննդարդյունաբերության ոլորտի մասնակից ընկերությունները ներկայացնելու են իրենց արտադրանքը՝ առանց նշելու արտադրողի եւ ապրանքանիշի անունը: Այցելուները հնարավորություն կունենան համտեսելու եւ անաչառ գնահատելու իրենց դուր եկած մթերքը: Այնուհետեւ հատուկ համարներով համապատասխան թերթիկների վրա այցելուները կքվեարկեն: Ցուցահանդեսի ավարտին կամփոփվեն արդյուքները եւ առավելագույն քվե ստացած մասնակիցը կարժանանա «Ժողովրդի ընտրություն» մրցանակին: Ցուցահանդեսի կազմակերպիչն է «Պրոմ էքսպո» ընկերությունը: Թեմատիկ բաժիններն են` • Առողջապահություն • Ապահովագրություն • Արդյունաբերություն • Առեւտրային կազմակերպություններ • Բանկեր եւ վարկային կազմակերպություններ • Բեռնափոխադրում • Զբոսաշրջություն • Հանգստի եւ ժամանցի կենտրոններ • Ինովացիոն եւ տեղեկատվական տեխնոլոգիա • Իրավախորհրդատվական ծառայություն • Կանաչապատում եւ ձեւավորում • Կահույք եւ կենցաղային տեխնիկա • Շինարարություն եւ շին-տեխնոլոգիաներ • Սննդարդյունաբերություն | |
|
Մեկնաբանություններ: 0 | |