Հայաստանի կենտրոնական բանկը անցյալ շաբաթ եւս շարունակել է դոլարի գնումները արտարժույթի շուկայից: Ըստ ԿԲ տեղեկատվության՝ օգոստոսի 26-սեպտեմբերի 1 հատվածում ԿԲ-ն շուկայից գնել է 8 մլն դոլար՝ 1դոլար/406 դրամ փոխարժեքով: Դրան նախորդող շաբաթում էլ 14 մլն դոլար էին գնել: Ըստ մեր նախնական հաշվարկների՝ ԿԲ-ն միայն օգոստոսին շուկայից մոտ 40 մլն դոլար է գնել, ու դրանով հանդերձ՝ դոլարի փոխարժեքն իջել է մինչեւ 406 դրամ: Ըստ երեւույթին՝ «406»-ի մակարդակն ընտրվել է որպես սահմանագիծ՝ դոլարի հետագա թուլացումն այլեւս նպատակահարմար չի գտնվել:

Եթե ԿԲ-ի այս գնումները չլինեին՝ դոլարի փոխարժեքն այսօր կլիներ 380-390 դրամին մոտ, գուցե նույնիսկ ավելի էժան:

Սակայն սեպտեմբերի 1-ից հետո դոլարի թուլացմանը նպաստող գործոններն աստիճանաբար կչեզոքանան, ու հնարավոր է՝ ԿԲ-ն սկսի հակառակ գործընթացը՝ շուկայում դոլարներ վաճառի՝ դրամը փրկելու համար: