Յունիբանկը»  ընդլայնում է մասնաճյուղային ցանցը` նոր սպասարկման կետ բացելով նաեւ Էրեբունի վարչական շրջանում: Ս.թ. նոյեմբերի 21-ին ՀՀ Կենտրոնական բանկը գրանցել է բանկի 43-րդ` «Էրեբունի» մասնաճյուղը, որը գտնվում է հետեւյալ հասցեում` ք.Երեւան, Էրեբունի 20, շինություն 50:

«Էրեբունի» մասնաճյուղը կտրամադրի բանկային ծառայությունների ամբողջ տեսականին, այդ թվում` կիրականացնի ավանդների ընդունում, վարկավորում, բանկային քարտերի տրամադրում եւ սպասարկում, UNISTREAM դրամական փոխանցումներ, հաշվարկադրամարկղային սպասարկում, կոմունալ վճարումների ընդունում:

Նոր մասնաճյուղեր բացելով` «Յունիբանկն» առանձնահատուկ ուշադրություն է դարձնում որակյալ եւ արագ սպասարկման ապահովմանը`ձգտելով բանկային ծառայությունները տրամադրել հաճախորդից «մեկ քայլ» հեռավորության վրա: Ներկայումս բանկն ունի 22 մասնաճյուղ Երեւանում եւ 21 մասնաճյուղ` ՀՀ մարզերում եւ ԼՂՀ-ում: Մոսկվայում գործում է «Յունիբանկի» ներկայացուցչությունը: