20:03 Կիպրոսում փորձությունը շարունակվում է. Bank of Cyprus-ի խոշոր ներդրողները կզրկվեն իրենց փողերի 62,5%-ից | |
Bank of Cyprus-ում խոշոր ավանդատուները բաժնետոմսեր կստանան իրենց 37,45% ներդրումների փոխարեն: Խոսքը 100 հազար եվրոն գերազանցող գումարների մասին է: Մյուս միջոցների տերերը, հնարավոր է, չեն կարող վերադարձնել: Այսպես, ենթադրվում է, որ ավանդատուն իր մնացյալ միջոցները չի կարող ստանալ, քանի դեռ բանկի ֆինանսական վիճակն ամբողջությամբ չկարգավորվի, հայտնում է «Էխո Մոսկվին»: Սպասվում է, որ ձեռնակված տվյալ միջոցառման պաշտոնական հայտարարությունը Կիպրոսի իշխանությունները կհրապարակեն մարտի 30-ին: 100 հազար եվրո ավանդները նախկինի պես երաշխավորվում են պետության կողմից, գրում է rbc-ն: Մինչդեռ «Կոմսոմոլսկայա պրավդան», վկայակոչելով հունական թերթերին, գրում է, որ Կիպրոսի խորհրդարանն ստացել է տեղական պաշտոնյաների եւ քաղաքական գործիչների ցուցակները, որոնց Bank of Cyprus-ը, Laiki-ն եւ Hellenic Bank-ը միլիոնավոր դոլարների պարտքեր են գրել: Խորհրդարանական հանձնաժողովը ճշտում է այդ տեղեկատվությունը, կատարվում է հետաքննություն: Կիպրոսի կենտրոնական բանկը որոշ սահմանափակումներ է վերացրել բանկային ներքին գործարքների վերաբերյալ: Կիպրոսում հաշվեհամարների տերերը կարող են փոխանցումներ իրականացնել` ամսական չգերազանցելով հինգ հազար եվրոն: Այդ միջոցով փորձում են թույլ չտալ կապիտալի փախուստը երկրից, հայտնում է BBC-ի ռուսական ծառայությունը: Կիպրոսի բանկերը սկսել են իրենց աշխատանքը: Մարտի 29-ին նախագահ Նիկոս Անաստասիադիսն ասել է, որ Կիպրոսում կանխվել է սնանկացման վտանգը ԵՄ-ից եւ ԱՄՀ-ից 10 միլիարդ եվրո ֆինանսական աջակցությունն ստանալուց հետո: Նախագահը մեղադրել է եվրագոտու մյուս երկրներին Կիպրոսին անհիմն պահանջներ ներկայացնելու համար, որոնք երկիրը փորձադաշտի են վերածել: | |
|
Մեկնաբանություններ: 0 | |